15 49.0138 8.38624 1 0 4000 1 https://wyrta.com 300 0

Advertisement ad1

Advertisement ad1

Da ki hajar tooid ki khon ka Balang Catholic cha ka lehkmen dap 125 snem ka Parish Mowkyndeng

0 Comments

Jowai: Ka Parish Mowkyndeng ha kani ka sngi Bibar ka 27 tarik da pynhaap pyrda noh ko ya ka lehkmen dap 125 snem yong ka (1892-2017) da ka yalang wa chongkun wa chongchit kawa khroo heijooh i por da pynman leh ya ka proseshon bah kawa 12 yong ka Jylla niam Jowai.

Ha kani ka sngi wa khroo nalor u Bishop ka Jylla Niam Jowai Most. Rev. Victor Lyngdoh da emlang leh u Archbishop ka Jyllaniam Shillong u Most. Rev. Dominic Jala SDB.dd, ki father napoh ka jyllaniam Jowai, ki father kiwa jooh kreh ha kani ka Parish (Mowkyndeng), u Provincial ki Father Salessian, ki father na kiwi ki jylla niam, ki Sister wa kiwi kiwi.

U Archbishop Dominic Jala uwa man u kongsan ha kani ka sngi, wei ha i klam da ong u wa ha kam kani ka sngi kam ki pateiñ kiwa katni toh u sñiawngooh ya u Blai wa 125 snem nachwa da pdiang ya i ngait ha u Trai Jisu Khrist lyngba i wan ki Father Society of Divine Savious (SDS) ya kiwa da tip kam ki Father Salvatorian namo ki Father German.

U Archbishop Jala da pynkut u yei klam deiwa kyntu pynya oo kamjooh wa ki paaid ki khon ka Balang wow sñiawngooh ya u Blai wei wow kynmoo burom ya ki waheh ka chnong Mowkyndeng kiwa da wan khut ya u Blai lyngba ki Father Salvatorian na Shillong wow wan cha Mowkyndeng 125 snem nachwa.

Ha ha i janmiet won da em ka lai paidbah namo ka proseshon Iukharist da ka Sakrament wakhooid tam ka Duwan ha sawdong ka kyntoit Madankynsaw kawa man kawi na ki dong jong ka chnong Mowkyndeng.

Chwa wow pynkut ya yaseiñ wei wow yoh ya i kyrkhu da ka Sakrament wakhooid tam ka Duwan wei wow pynhiar ya ka Lama lehkmen 125 snem da yoh i klam sneiñ kyntu na u Bishop ka Jyllaniam Jowai Most.Rev. Victor Lyngdoh dd.

Ha kani ka sngi da pyllait paitbah leh ya ka kot lakdop chaphang i rukom im yong ka Theresa wakhooid kawa da ya ka Diocese Jowai kawa da thoh da u Fr. Manbha Pakem.

Advertisement ad1

0 Comments

Leave a Reply