Shillong : I lai ku ki khon u Ynñiawtrep Ynñiawwasa kawa pynman man u snem ha sngi bibar wa nyngkong yong u Thohlakhmi (February), ynne ka sngi da pyndep biang ya ka hei sakhi ki hajar ngut kiwa da ku ya u Loom Sohpetbneng wa em hajan ka Umiam uwa jrong kamwa 1,344 meter.
I lai kjat wow ku ya uni u loom da chimpor kamwa chi kynta yow poi cha i bynta wa ngait wa nachwa wa em ka yingkeiñ ksiar wa pynyabi ya i bneiñ wa ka pyrthai heiwa ha ini i thaw da pynman ya ki lehniam deilang wa ki choh ya ki bom ki rwai wa kiwi kiwi.
Nachwa, katkam i ngait da ong wa ki bru ku wei hiar ki na bneiñ cha sla pyrthai wei da em waroh 16 trep kiwa wan chong nyngkong cha pyrthai. Hadien wa mih i pap ha ka pyrthai kani ka Yingkieñ Ksiar da pyntkut ya ka wei da sah ki Ynñiaw cha pyrthai katwa ki Khynde da neh ki cha bneiñ.
Kiwa neh cha pyrthai kynthup ki ya ki Khynriam, Pnar, Bhoi, War, Maram, Lyngngam wa ki Diko kiwa da wiar jait.
Ha kani ka sngi da saam ya u khoo wa da dep pynkyntang yow yoh yei suk i kmen wa i chait i khiah.
Discussion about this post