Ka Annual Eucharist Procession ka Catholic Archdiocese Shillong, da pynman ka ynne ka sngi ha Cathedral of Mary Help of Christians, Laitumkhrah, Shillong.
Kani ka Eucharist Procession man ko kam wow pynyoo da ki para wa ngiat yei emlang u Jisu ha kani ka Eucharist wa kyntang wei man ko leh ka rukom mane wa hakhlieh dooh ka Balang Catholic.
Da wan wow chibynta lang da u Most Rev. Victor Lyngdoh, Archbishop ka Shillong uwa da pynman leh ya ka Mass wa khooid kamjooh ka Sacrament.
Deilang wa u Archbishop, da emlang leh ki Council Member ka Archdiocese, ki Parish Priest, ki Rector, ki Major Superior, ki Provincial, ki MLA, ki MDC, ka DC ka East Khasi Hills, ki sahep sorkar ka Meghalaya deilang ki Delegate kiwa wan na kiwa boon ki Diocese ka North East India wa na kiwi ki thaw ka India.
U Archbishop hawa e yei klam da pynpynmoo wa 90 snem nachwa ha kani ka sngi ha ka 10-11-1934, u Bishop Stephen Ferrando wa u Bishop Louis Mathias da chah pynkyntang ki kam ki Bishop ha u Archbishop Ferdinand Perier ha kani ka jooh ka thaw ha Calvary ka Cathedral of Mary Help of Christians, Laitumkhrah.
Da pynkynmoo u leh yei wow dap spah snem i wan u Missionary, u Fr. Constantine Vendrame ha Khasi-Jaiñtia Hills.
Ha ka lai Procession da wan wow chimbynta da ki hajar ngut wei hei janmiet neiliang u Archbishop da pynbna u ya ka Jubilee Year 2025 ka Universal Church hajrong ka phang wa ong “Pilgrims of Hope” wei da pynbna u leh ya ka “The Year of the Sacrament of Reconciliation”. Ka Diamond Jubilee daw man ko ha u snem 2029 wa ka Centenary Year ka Archdiocese ha u snem 2034.
Discussion about this post