Duna i em ki Commercial LPG ha Meghalaya; Emkaam 1,000 yoh won 300-400 tylli

Ka Food, Civil Supplies and Consumer Affairs Department ynne da kubur ko wa duna i em ki tadong Commercial LPG ha Meghalaya katwa biang hi i em ki Domestic LPG.

Ka Director ka Food, Civil Supplies and Consumer Affairs, ka Saloni Verma da ong ko wa ini i duna toh hadien wa ka sorkar pyrdi da pynhiar ko yei pynpoi ya ki Commercial LPG nadooh ka 11 March nei thut i thied ya kini ki la’ær chet (na baar ri).

Ka jylla emkaam ko 1,000 tylli ki tadong Commercial LPG ha ka chi sngi, heiwa da yoh du 300–400 tadong chi sngi.

Ka Saloni da ong ko wa i yoh ya ki tadong Domestic LPG neh i ha ka 5,000–7,000 tadong chi sngi iwa yajan wei por chwa wow sdang i duna LPG.

Related posts

Chah kawang Petrol Bomb ka Office ka NPP, pdung uwi

August 21, 2026

Booh ka Assam Police ya ki Helpline Number wow yarap ya kiwa sahkut ha Meghalaya

August 21, 2026

Chooh chooh da ong ko wa i daw wa jrong u laiñ ki bru ha ki thaw dai LPG toh nei leh ya ka eKYC wei ymtoh wa duna LPG.

Heiyatoh wa i dai tooh ya ki tadong LPG, da ong ko wa da duna bha i neidaw wa joor i paitsiar wei lada em ka ujor ye wow leh deiwa phone ha u Toll-free Number 1967 næ WhatsApp – 9402327737.

Da kyntu ko leh ya ki paidbah wymtoh u tieñsar ki.