Da ki kyndon wym tih Uranium, u pynyoh ILP wa kiwi de psiah u Hamlet cha ka NPP

U Hamletson Dohling uwa man u MLA wa da hiar chuki noh na Mylliem Constituency da ong u wa i klam da uyi re uyi wa em i tyrwa wa hadooh T. 5 klur yow psiah cha ka NPP da pyndooh thiah dooh dem ya kiwa boon, wei ye u man wa kiwa boon da mut ki wa u Hamlet da ngop u ha katæ ka T.5 klur, tangwa da khana u wa i yaklam wa u Montri Rangbah wa kamjooh wa u Symbood Montri Rangbah hachwa wow psiah cha ka NPP wei deiwa pynbait wa ka NPP toh u pynthikna ko wa ym toh u tih ya u Uranium ha kani ka jylla, najrong i emkaam ya ka ILP wa ki kaam pynbait pood wa kamjooh wow yoh noh i tipmit ya ka ktien Khasi.

Hadien wa da hiar chuki noh kam u MLA, u Hamletson Dohling ynne da lai psiah u cha ka National People’s Party (NPP), heiwa da ki hajar ngut ki paidbah kiwa kyrchaan da poi ki wow sakhi ha madan Umlyngka. Ha kani ka sngi ym du u Hamlet uwa psiah cha ka NPP, tangwa kiwa yahkhmat warim ka People’s Democratic Front (PDF) da wan psiah ki cha ka NPP wa kynthup ya u Ivanlumlang Marbaniang, u Emlang Lytan wa u Dipson Ryntathiang.

Ya u MLA warim wa ya kiwa yahkhmat warim ka PDF da pdiang sñiawbha da u National President ka NPP, u Conrad K Sangma, uwa da pynbna syndon leh wa u Hamlet u man u kam u kyrtong ka NPP na Mylliem ha kani ka Election wow wan. Ha kani ka sngi da emlang leh kiwi kiwa yahkhmat ka Party wei da ki hajar ngut ki paidbah wa kyrchaan.

Hawa klam ha kani ka yalang, u Hamlet da ong u wa nachwa ki phang tih Uranium, ILP, i pynbait pood wa i tipmit ya ka ktien Khasi ha ka 8^th Schedule ym jooh em yaklam ha ka Cabinet, tangwa kani ka sorkar da yaklam ko. Hawa yatoh wa ka Uniform Civil Code da khana u wa da yaklam wa u Montri Rangbah wei neiliang ka NPP da klam che ko wym pdiang ya kani ka aiñ wei ym e laad wow chah pynlai embor na Delhi.

Related posts

Ka sorkar ymtoh kawa ye hi-eh ka KSP wow maham: Sniawbhalang

December 21, 2024

Da u waheh chnong uwa man leh uwa yahkhmat seiñbalang sai kyrtong MDC ka Namdong

December 21, 2024

Hawa klam ha kani ka yalang, u National President ka NPP, u Conrad K Sangma uwa man leh u Montri Rangbah ka jylla da ong u wa ha ki 5 snem wa da lai da man sakhiat ki snem kiwa hapyrdi i boon i chah tynjooh ya ka sorkar MDA wa yahkhmat da ka NPP, neibhah ym toh iwa suk wow pynhun ya ki seiñ kiwa em ha ka sorkar.

Heijooh i por da yaroh u ya u Hamlet wa ya ki paidbah kiwa da jied ya oo wow man kam uwa mihkhmat yong ki na Mylliem. Da ong u wa u Hamlet da yieñ dap chynrang u ha ka jooh ka yurim kawa yatoh wa ka ILP, u Uranium wa ka kaam khappood kam ha i por wa man u kam uwa yahkhmat ka KSU.

U Conrad da khana u leh wa man-i-por u Hamlet da klam u ya kini ki phang wei toh uwa em i maya skem ha oo iwa pynman ya oo wow yieñ skem ha idæ wa ha ka jooh ka yurim.