Ka KSU Jaiaw Circle ynnin ka 6 tarik hapoh i yahkhmat u Mickey Kharbyngar, General Secretary deiwa emlang u Donald V Thabah, General Secretary KSU CEC wa u Spaindarsing Lyngkhoi, Office Secretary KSU CEC da lai ki wow yachem ya u Banteidor Lyngdoh, Montri ka chnat Sports & Youth Affairs hajrong i chna ya u mot yong u Pa’iem Tirot Sing.
Kam wow pynkynmoo, ka KSU Jaiaw Circle ha u snem 2003 da chna ko ya u mot dur yong u Tirot Sing hapoh Indoor Stadium ha Lachaumiere kam chibynta wow e burom ya uni u khlawait. Katni won ka chnat Sports da sdang ko wow pynchna noh ya kani ka thaw yalehke wei da sai noh ya uni u mot dur yong u Tirot Sing.
Hawa yachem wa u Banteidor, da kular u ha khmat ki dkhot ka KSU wa daw chna thymme noh ya u mot yong uni u bru khroo da uwa chi rynyieñ ym du u motdur.
Ya uni u mot daw chna leh hakhmat ka yung krehkaam ka chnat da pynrap utei u Montri.
