Da ki lak ngut ki bru wa pdiang warom ya i metyap u Zubeen Garg ha Guwahati

Ynne i step da wanrah ya i metyap u Zubeen Garg ha Guwahati heiwa da em da ki lak ngut ki bru wa yang ha Lokpriya Gopinath Bordoloi International Airport wow pdiang warom khaddooh ya uni u khloor yong ki.

Ka la’ær da dap ko dei sñiawsih heiwa ki paidbah da yang ki nei step ya i metyap yong oo yeiwa da kit da ka lieñsuiñ na Delhi.

Ki paidbah da yieñ ki tymbud luti na Airport cha yung yong oo iwa em ha Kahilipara katwa ka Ambulance wa kit ya i metyap u dang lai luti ko.

Related posts

Sñiawkhia uwa chong chnong ka East Jaiñtia wym yoh ka District kawi leh ka chuki Montri sorkar

September 21, 2025

Sdang ka 1st Division ka SBSA dei jop ya ka Jarain wa Khaidong

September 21, 2025

Ya i metyap yong oo da kit da ka Air India Express Flight IX 1197, kawa mih na Delhi ynne i step wei da poi ko ha Guwahati heipor kamwa 6:30 i step.

U Montri Rangbah ka Assam, u Himanta Biswa Sarma da rap u yei metyap u Zubeen ha Delhi heiwa da pynsñiaw u yei sihlet wei sñiawsih wa dooh ka jylla ya u bru wa pawnaam.