Ynne ka sngi da ki lak ngut ki bru da mih paidbah ki ha sarok ka Tehran kawa man ka nongbah ka ri Iran wow ekhublei khaddooh ya u heh chipai ka ri, u General Qassem Soleimani, uwa da chah tynyap hei siat bom ka America ha kani ka 3 tarik ha Baghdad, Iraq.
Ka khon uni u heh chipai, ka Zainab Soleimani hawa e i klam da maham ko ya kiwa hayung ki chipai ka America wa em ha ka thaaiñ deiwa ong wa kini ki chipai ym slem de daw yap ki.
Neiliang u heh (Supreme Leader) ka ri Iran, u Ayatollah Ali Khameni da yahkhmat u wow ngoohblai hei emlang ryngkat u President ka Iran, u Hassan Rouhani wa kiwi kiwi ki heh sorkar ka ri Iran.
Heipor wa kit ya i metyap uni u heh chipai na sarok ki paidbah wa yalang da beiñ ki ya ka America deiwa kbai leh ya ki kyntien wow tput yei chah tynyap u.
Ya i metyap u Soleimani daw pynkit na ka nongbah Tehran cha chnong yong oo ha Kerman heiwa daw pyndep noh ya ka lehniam wa khaddooh.
Discussion about this post