15 49.0138 8.38624 1 0 4000 1 https://wyrta.com 300 0

Advertisement ad1

Chah pynmynsoo uwi wei chah lute ha kiwa suba ki nong Bangladesh

0 Comments

Jowai: Hadien wa jia wa chah pynmynsoo ki arngut kiwa naka chnong Lamin haka 4 tarik uni u bnai heipor wa liwan ki cha yung ha u sarok Dawki-Jowai, ki pulit da pyntip ki wa haka chi tarik uni u bnai da chah lute wei da chah pynmynsoo uwi ha kiwa suba toh ki nong Bangladesh.

U Khihlang Suchiang (18 snem) deilang wa ki soo ngut kiwi, heipor wa lai luti ki na Huroi cha Dawki da kawi ka kari Bolero Pick-up, manda poi ki ha Amjalong Bhoi, West Jaiñtia Hills, ki bru wa suba toh ki nong Bangladesh kiwa em kamwa 7-8 ngut kiwa rah da ki tiar pynmynsoo da yang khap ki ka kari wei da pynmynsoo ki ya u Khihlang Suchiang wei da lute ki 8,000 na ki.

U Khihlang Suchiang da mynsoo joor u wei da pynkit ya oo cha Woodland Hospital, Shillong.

Ha iwi tawon i jia, u Rilang Dkhar uwa naka chnong Mutong, East Jaiñtia Hills (EJH) da ujor u wa haka 31-12-2019 heipor 11 waje i step wa u payu u wa tip kam u Nor Dkhar da lai u cha ka yaw Rangad, East Jaiñtia Hills tangwa ym em de poi yung u.

Haka 4 tarik da chem yei metyap u na kawi ka krem mooyong wa ym em de pynemkaam kawa em hajan ka chnong Rangad.

Advertisement ad1

0 Comments

Leave a Reply