15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Da ki lak wa ki klur yoh kem ya ki poisa thymme na ki bru samen

0 Comments

Ynne ka sngi ka Tnat Income Tax da yoh kem ko hadooh T. 24 Klur na ka wi ka kari ha Vellore kiwa kynthup ya poisa T. 2000 wa thymme.

Ha ka 8 Tarik da yoh kem T. 10 Klur ki poisa thymme na Chennai wa 127 kg i ksiar wei da kam u Sekhar Reddy wa kani ka poisa wa i ksiar toh ki yong oo.

Deiwa takit ya u Reddy da phla u wa dang emboon ka poisa, kamtæ ynne ka sngi da yoh u kem ya kani ka poisa napoh ka wi ka kari. Ya ki poisa da thap ha ki 12 tylli ki synduk wa em 2 klur ha ka wi ka synduk. Da suba leh wa u Srinivas Reddy uwa krehlang wa u Sekhar emkti u heini.

U Reddy toh u contractor sorkar wei kamjooh em u boon ki thaw wa tih chyiap u ha Tamil Nadu.

Lada kat deini yoh u wi u bru u em ka poisa thymme katwa kiwa boon yoh ki u sai du T. 4000 chi sngi, neiwon mih kani ka poisa.

Ha ka tnat ka Axis Bank ha Chandni Chowk, Delhi da chem hadooh 44 tylli ki account thok wa da dep thap hadooh 100 Klur ki poisa wa rim. Da suba joor leh wa kiwa kreh hapoh ki bank da yarap ki ya kiwa boon ki bru yow pynkylla ya ka poisa wa rim wa murieh na ka sorkar cha ka poisa wa thymme.

Da suba leh heipor wa thap poisa ha ki ATM ye u man wa da thap duna ya ka poisa heiwa da pyllai ya ka cha ki bru samen.

Da kheiñ wa yow pynmih ka RBI ya kani ka poisa thymme deiwa chon (print) thymme ye u chimpor hadooh 5 bnai heiwa da ye u poi hadooh T. 166 Klur ki poisa thymme kiwa da wiar khlem em booh jingkheiñ.

Kini ha wah toh ki poisa thymme wa da yoh kem kiwa ym put tip kammon poi ki cha ki kti ki bru.

Kmaichonglad 10
T. 24 Klur na Vellore, Tamil Nadu

Kmaichonglad 9
T. 72 lak na Dadar, Mumbai
T. 17 lak na Islampura, Gurgaon
T. 76 lakh na Surat, Gujarat

Kmaichonglad 8
T. 10 klur na Chennai
T. 40 lak na Hoshangabad, Madhya Pradesh

Kmaichonglad 7
T. 1.5 klur na Goa
T. 71 lak na Udupi, Karnataka

Khonchonglad 29
T. 1 klur na Coimbatore, Tamil Nadu

Khonchonglad 23
T. 10.6 lak, Gujarat

Khonchonglad 20
T. 8 lakh na Sabarkantha, Gujarat

Previous
Next

0 Comments

Leave a Reply