Ka juk Social Media wanrah ko ya ki kaam wa phylla kiwa jia ha kylleiñ ka pyrthai iwa ye u pynkylla yei man i long mar dei wym johkhe, heiwa em kiwa yoh yei yaroh wei em won kiwa chah beiñ chah kynnoh.
Ha kani ma kynti da mih i Video na Ichikawa City Zoo, Japan heiwa uwi u khon chrieh (Japanese Macaque) uwa dang 7 bnai wa pyrtuid u Punch da wanrah u yei wyrai na kiwa boon ha kylleiñ ka pyrthai heiwa pynyoo u wa ymtoh u ieh u kut deiwa suk.
Ya u Punch da kha ha u July 2025, wei da chah kyntait wot u ha ka bei wa kiwi ki chrieh ha ka Zoo heiwa da yoo wa cha dait wei chah ieh u.
Kamtæ kiwa kreh ka Zoo da e ki ya oo da i tiar Stuffed Toy ha i dur u tngoo Orangutan wa da e pyrtuid Ora-mama wei khlem slem u Punch da bi wot u wa ini i tiar kyndehke nadooh wow kdung, wow thiah wei wow lehke wa ini i tiar.
I Video u Punch wa ka Ora-mama da poor bha i Online heiwa da em da ki lak kiwa kyrchaan ya oo neibahh wa pynyoo i yei langam hawa sah samen, i raikut wow im bait kamjooh wow ksoh kat yeiwa dang em hajan dei maya.
Discussion about this post