Ki pulit da kem ki ya ki ar ngut ki bru hadien i jia ha Petrol Pump wa em ha Birgaon, Raipur heiwa uwi na kiwa wan thap phñiang da thang u ya ka thuk-thuk u lok u da ka Lighter.
Ini da jia i ha ka 17 tarik uni u bnai heipor 7:00 waje i miet ha Petrol Pump wa em hapoh u pood ka Urla Police Station wei katkam ka takit, ki ar ngut ki chi lok, u Imran wa u Dharmendra da wan ki cha ka Petrol Pump wow pyndap phñiang.
Ya ka thuk-thuk da yah da u Dharmendra katwa u Imran da chong u hadien, wei chwa wow theh phñiang u Imran da hiar u na ka.
Heitæ u Imran da pyrchang u wow thang duma, yeiwa da khang noh u Dharmendra oo wei ini da pynchrai i ya u Imran uwa da pynkop u yei Lighter wei da thang u ya ka Tanky ka thuk-thuk hadooh wa kop diñ.
Kiwa kreh ha ka Petrol Pump da yaleh smat ki wow tymplæh yeini i diñ deiwa pynemkaam ya ki tiar wa em ha ka Pump khnang wow yada ya kiwi tawon wa em heitæ. Neiliang ki pulit da kem ki ya u Imran wa u Dharmendra wei i takit dang lai i chaphrang.
I Video na ini i jia da poor i ha Social Media.
Discussion about this post