Shillong : Ka tnat Information Technology Department, Meghalaya, ynne ka sngi da saam ko da ki laptop cha ki khynnah kiwa pass bha ha ki exam Class X wa Class XII 2016 na MBOSE, ICSE, ISC CBSE ha Yojana Bhavan, Shillong.
Ha kani ka sngi ka Montri ka ITC, ka Dr. M. Ampareen Lyngdoh da man ko kam ka kongsan hei emlang u Commissioner & Secretary, IT, u D. P. Wahlang kam u symbood kongsan.
Ka Dr. M. Ampareen Lyngdoh hei klam da ong ko wa dap ko dei kmen mynsien u yoo wa ki bei ki pa chimkhia ki wow kyntu kynrong yei stat i tip ki khon yong ki.
Heijooh i por da e mynsien ko leh ya ki khynnah wow pteiñ ki u minot, wei wow poi ki cha ka thong wa da booh ki.
U D. P. Wahlang da ong u wa kini ki laptop toh wow yoh myntoi ki khynnah deiwa pynemkaam ki ya ki wow pynpliah ya i stat i tip yong ki.
Ha kani ka sngi da em leh u E. Lyngwa, Principal Consultant, SeMT, u B. Tiwari, Special Officer, IT Department, u B. Bhattacharjee, Deputy Director, Higher and Technical Education wa u S. War, Senior Informatics Officer, IT Department.
Discussion about this post