Ka Federation of Khasi Jaiñtia & Garo People (FKJGP) Nartiang Area Unit hei yahkhmat u President u Jimy Phalangki wa u General Secretary u Wednesday Dkhar hei emlang u Assistant Information Secretary yong ka FKJGP Thadlaskeiñ Circle u Arwot Myria uwa man leh kam u Adviser yong ka Nartiang Area Unit da lai e yarap ki da i marbaam cha ki 7 tylli ki manyung kiwa chah ktah hei chlai um haka 24 wa 25 tarik u Naikhynde haka chnong Nartiang.
U slap wa joor da pyndooh u ya iwa em ha yung heiwa da em leh kiwa dooh ya ki mrad wa ri, ki marbaam mar dih heiwa ka um leh da psiah ko chadooh cha tyngkong yung yong ki kamtæ man ko i dooh wa khroo ya kini ki manyung.
Kamtæ neiliang yong ka seiñ da lai e yarap ko da ki marbaam cha kini ki manyung kiwa chah ktah haka rymaw wei da kyntu leh yaki bor yong ka sorkar wow e yarap ko ya kini ki manyung kiwa da chah ktah ha i bor yong ka rymaw, pynkut ka khubor lyngba u General Secretary u Wednesday Dkhar.
