Shillong:Ki dkhot ka Rotaract Club of Pinecity, Shillong da embynta bha ki wow yarap ya ka sorkar hei yakhun ya ka khlam u COVID-19 heiwa da leh ko chiboon ki kaam wa kynthup leh i e yarap poisa cha ka CM Relief Fund wa i e ya ki Mask cha ka yung krehkaam u SP, West Jaiñtia Hills.
Ha kani ka kynti kam chibynta wow yarap ya ki ASHA ha Meghalaya, da ekti ko hadooh 300 tylli ki mask wa da soor chirup wa ki sabon sait-kti cha ka yung krehkaam u DMHO ka West Jaiñtia Hills District, u Dr. K.C. Ajar.
Ya ini i ekti ya kini ki Mask da yahkhmat da u President ka seiñ, u C.A. Ram Kyndiah chirup wa ki dkhot yong ka.
Da kitbok kitrwiang ko leh ya waroh wow ye ki u kreh neibynta wow yakhun pyrchah ya kani ka khlam u COVID-19 uwa da ktah ya ki ri ka pyrthai.
Discussion about this post