theme-sticky-logo-alt
theme-logo-alt

Da ki mooblok wa i khyndaw-bilat e yarap ka KSU cha ka manyung ha Moodymmai

Ka Khasi Students’ Union Jowai Circle ha ka 25 tarik uni u bnai da lai ko wow e yarap da u mooblok wa i khyndaw-bilat cha kawi ka yung kawa kawa da maad yei sñiawsih heiwa da iñ noh i yung wa em ha ka chnong Moodymmai, West Jaiñtia Hills.

Ini i iñ yung toh iwa da jia ha ka miet ka 28 tarik u Khonchonglad (Nov) 2022 heiwa i diñ da baam lut i ya waroh iwi i yung heiwa da dooh leh yei mynsien ki arngut ki khynnah iwa da wanrah yei dooh nong wa khroo ya kiwa ha-yung ha-sem.

Kamtæ hajrong ini, ka seiñ kam wow pynyoo yei sñiawlem hajrong itai i jia wa sñiawsih ya katai ka manyung, da lai e yarap yow ye u tei biang ki yeiwa da dooh ki.

Da ya emlang ha kani ka sngi wa u Binos Syngkon, President Modymmai Unit, u Chanbor War, Vice-President WJHDU, u Ioanis Suchiang, President KSU Jowai Circle, u Phraki Hawni Thubru, General Secretary Jowai Circle, u Phrangki Papang, Finance Secretary wa kiwi kiwi.

Puræ leh: Khlaad arngut ki khynnah hadien wa baam lut i diñ yei yung ha Moodymmai

Share this:
Previous

Da toh pynhaap ya ka snieh-poisa ha Iawmusiang

Next

E yarap ka KSU da ki tin yung cha ka manyung ha Wapung Shnong