15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da ki muna pyllang jhep saam ka JSU War Jaintia Circle haka World Environment Day

0 Comments
Advertisement ad1

Jowai: Ka Jaintia Students’ Union (JSU) ha ka sngi lehkmen yaka World Environment Day, neiliang ka seiñ yow rah yaka khubor cha kiwa chong chnong wa kiwa wan uiñke suwari cha Ri War Jaiñtia hapoh ka Amlarem Sub Division kawa em ki thaw wa pawnaam kam ka wah Umngot kawa tooid lyngba ki chnong yong ka Dawki, Darrang wa Shnongpdeng, kawa em leh ka Kchaaid Krangsuri ha Amlarem, ka krem pubon ha chnong Syndai, ka yingkeiñ jri wa ar mala ha Kudengrim wa kiwi kiwi da saam da ki muna pyllang jhep cha ki kari wa lai cha sarok ka thaaiñ.

U President ka JSU-WJC u Eddy Kery Pohtam deilang wa u General Secretary u Kerrydiam Lamin, u Vice President u Jai Pohshna wa kiwi ki para dkhot ka seiñ da kyrpaad ki yaki bru wow em i kitkhlieh ha i wow sumaar ya ka surok wa yaka rymaw wow pynemkaam da ki muna pyllang jhep hapoh ki kari wei ym toh u noh roi ya ki jhep cha sarok næ ki thaw uiñke suwari yow man ko leh kam ka nongmuna kawa bha yow sumaar yaka bei rymmaw ha ka jylla hi waroh kawi.

Ka seiñ da pynkynmoo ko leh yaka sorkar wow pynkrehkaam noh yaka poisa naka District Mineral Fund ha ki thaw wa chah ktah na i tih moo hapoh ka thaaiñ ri War Jaiñtia wa em hapoh ka Amlarem Sub Division.

Ka JSU-WJC da dawa ko naka sorkar Meghalaya wow pynemkaam ya kani ka poisa khamtam hei wow chna ya ki Water Treatment Plants, Sewage Treatment Plants, i saam ya ki umbam umdih, i pynkhai im biang ya ka rymaw yow yoh yaka um wa khooid khamtam ha ki thaw wa chah ktah wa da kylla ktieh ka um kam haka chnong Nongtalang, Rhongkum, Amlympiang, Amdoh wa kiwi kiwi.

Ka JSU-WJC ha i jooh i por da yaroh ko ya u montri rangbah ka jylla, u Conrad Sangma heiwa da pynman u yaka One Citizen One Tree Campaign ha kani ka sngi World Environment Day.

Share this:
Previous

Jop ka Hynniewtrep FC ya ka Maitshaphrang FC ha Wahiajer

Next

Dawa kiwa chong chnong wow pyndam noh chipor ya u Syiem ka Hima Nongspung