15 49.0138 8.38624 1 0 4000 1 https://wyrta.com 300 0

Da ki phawhajar tooid kiwa ngait ka Balang Catholic cha ka Procession bah ka Cathedral Parish

0 Comments
Advertisement ad1

Shillong: Ki paidbah ngait ka Balang Catholic na ki Parish waphær waphær kiwa haap hapoh ka Shillong Archdiocese wei kamjooh na Jowai wa Nongstoiñ Archdiocese ynne ka sngi da ki phawhajar ngut da wan ki wow chimbynta ha ka Procession bah wa pynman da ka Cathedral Parish, Laitumkhrah.

Ka lai Procession da sdang ko heipor chi waje chiteiñ i sngi heiwa kiwa ngait niam ka Balang da chimbynta chongchit ki hapyrdi ki rwai mane Blai wa ka ngooh blai wow yaroh ya u Blai heipor wa lai kjat ki ki ya u surok bah ha Laitumkhrah.

Advertisement ad1

Ha kani ka sngi ya ka kyrkhu wa ka leh niam Sacrament da leh da u Archbishop Rev. Dominic Jala.

Hadien ka lai Procession ya ka ktein u yalap Blai da yoh na u Assistant Parish Priest ka Cathedral Parish, u Rev. Fr Pynshai Lyngdoh ha ka ktien Khasi wei ha ka ktien phareng da yalap da u Rev. Fr. Edmund Gomes, katwa ya ka lehniam pynkut næ ka kyrkhu Sacrament da pyndep da u Archbishop ka jylla niambah Shillong, u Most Rev. Bishop Dominic Jala.

Ha chwa ka Procession, ha i por step ya ka lehniam ya ka Mass wa khooid da pyndep da u Archbishop Dominic Jala kam u wa knia rangbah ryngkat i emlang ki lyngdoh na ki Parish waphær waphær wa ki phawhajar ngut ki paidbah ngait niam kiwa emlang.

Ha ka Mass wa khooid, u Archbishop Dominic Jala da booh u ya ka kylli iyi wa kam ki Khristan em ki hakhmat u Blai neibynta kiwa ki para bru.

“Em hi mo ya i por wow e neibynta u Blai wow yarap ya kiwi ki para bru kiwa emkaam ya ka yarap yong i?” da kylli u Bishop, “I waroh em i jar jiar ki sap wow kreh neibynta u Blai wei emkaam i wow sniawthooh ya ini wei emkaam leh wow e yei por yong i neibynta yong oo,” ong u Rev. Bishop Jala ha ka yalap ya ka ktien u Blei ha ka Mass wa khooid

U Bishop Jala da pyntip u leh wa ka Balang daw booh ko leh ya ka sngi u Blai wow kynmoo kyrpang neibynta ya kiwa dooh wa duk, wei u man ko ka sngi ya waroh u kylli wei wow pyrkhat ya u dohnood wa kammon u yarap i ya kiwa emkaam, neibhah i yarap ya kiwi man ko i pynemburom ya u Blai.

Advertisement ad1

0 Comments

Leave a Reply