Khliehriat: Ka seiñ Meghalaya People’s United Front-East Jaiñtia Hills District (MPUF-EJHD) ryngkat wa ka Khliehriat Circle hapoh i yahkhmat u President yong ka, u Michal Chyrmang wa u Kyrshan Blah, ka seiñ ynne ka sngi da e yarap ko cha ka Seiñraij Pamra Paithlu da ki tiar chet namo ki kchu kamwa san tylli.
I daw wa pynman ya ka seiñ wow e yarap ko da ki kchu toh hadien wa u President ka Seiñraij Pamra Paithlu, u Shanbor Rymbai da kyrpaad u ya ka seiñ wow yarap ya ka Seiñraij kamwa 2 tylli ki kchu neibhah wa katkam wa man katni, heini heipor wa em yalang næ kiwon kiwonki yachem ka Seiñraij chem chitom ko wow pynkhreh baam neidaw wym em kchu ko wei du hadien ini ka seiñ khlem pynslem da e yarap ko san tylli ki kchu cha ka Seiñraij.
Chwa wow ekti ya kini ki kchu da em ka yalang wa tbian wa pynlai da ka President ka Seiñ Manbei yong ka Seiñraij Pamra Paithlu, ka Rimien Chyrmang heiwa da yoh yei klam na u President ka Seiñraij Pamra Paithlu u Shanbor Rymbai wa na u President ka MPUF-Khliehriat Circle u Kyrshan Blah, i klam na uwi na ki waheh uwa man leh u dkhot ka MPUF, u Thanda Sana wei khaddooh da yoh yei klam khaddooh na u President ka MPUF-EJHD u Michal Chyrmang uwa da kyntu ya ki paidbah wa ymtoh u dooh kyrmen ki lada kiwi ym yoo ki yei eh i khoo yong ki wei ki paidbah leh ymtoh u kynmoo ki ya kiwa yarap du heipor wa emkaam tangwa yanom kam wow pynchlur ya ki wa yarap.
Chooh chooh da kyntu u leh wow syndong wei wow pynemkaam hok ya kini ki tiar wa ka seiñ da e ko khnang wow neh sah i yakynmoo kylliang.
Discussion about this post