15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Da ki tin noh-jhep e sñiawbha kiwa kamai Tourist ya ka Seiñ Manbei

0 Comments

Jowai : Kam chi bynta wow kyntu ya ki paidbah wow man ki kiwa leh khooid, ynnin ka 27 Khonchonglad ka seiñ Shangpung Tourist Taxi Owner and Driver Association (STTO&DA), Shangpung da e sñiawbha ko da ki tin noh-jhep cha ka Seiñ Manbei Dong Lechka, Shangpung Pohchnong.

Ya ini da leh ha ka yalang wa tbian wada pynman da ka Seiñ Manbei ha Hall ka dong Lechka, Shangpung Pohchnong heiwa da em ka President ka seiñ ka kong Ioolang Dhar, ka Secretary ka seiñ ka kong Daioohun Ymbon wa kiwi ki dkhot ka seiñ.

sngtrst1

Ha kani ka sngi da e sñiawbha hadooh 10 tylli ki tin noh-jhep wei neiliang ka STTO&DA da mihkhmat da u President u ma Chiborlang Suchiang, u Secretary ka seiñ u ma Ioowani Papang, wa kiwi ki dkhot ka seiñ hei emlang u Chairman ka chnong u ma Sammaia Lytep.

shngtrs

Kani man ko ka sien wa nyngkong wa da leh ka STTO&DA kam ini i kaam hapoh Shangpung tangwa ka seiñ dei langær e sñiawbha ko ya ki tin noh-jhep cha ki pulit ka Jowai Traffic.

Neiliang u ma Ioowani Papang da pyntip u wa ka seiñ hi neini chaphrang daw pteiñ ko u leh ya kam kini ki kaam neibynta ki paidbah wei da ong u leh wa ya kini ki tin daw booh hapoh ka dong Lechka, Shangpung.

Previous
Next

0 Comments

Leave a Reply