15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Da ki tin nohjhep booh ka JCES Balang Jowai ha Lion Mission Compound wa ha Chutwakhu

0 Comments
Advertisement ad1
Advertisement ad1
Advertisement ad1
Advertisement ad1

Jowai: Ka Jowai Christian Endeavour Society (JCES) toh kawi na ki seiñ yong ka Balang Presbyterian Jowai kawa da kreh ha ka thong yong i miat i bha ka Balang wa ka imlang sahlang, kamtæ ha kani ka sngi Muchai 2 tarik u Naichiphaw kawa man ka lyngkhooh snem sngi kha wa 150 snem u Mahatma Gandhi, ka seiñ ha ka thong wow wanrah yei khooid i pliah ka chnong ka thaw da chimkhia ko wow yarap booh da ki tin nohjhep ha ki kyntoit yong ka dong Lion Mission Compound wa ha Chutwakhu.

Ha kani ka sngi chwa wow libooh ya kini ki tin nohjhep ha ki kyntoit waphær yong kini ki ar dong, da em chwa ka yalang wa tbian ha pchem ka Youth Centre Balang Prebyterian, Jowai heiwa u khynroo Lionel T. War, President Christian Endeavour Society kam u chongknor da e u ki kyntien yahkhmat hajrong ka thong yong i booh ya kini ki tin nohjhep iwa man chibynta i yarap wakhian yong ka seiñ cha ka imlang sahlang.

Advertisement ad1
Advertisement ad1

Chooh chooh da yoh leh yei klam na u Kerlang Lyngdoh, Waheh Chnong Lion Mission Compound wa na u D. Tongper Malang, Asst. General Secretary Chutwakhu heiwa kini ki waheh hei klam da e ki i sñiawngooh ya ki bor pynlai ka Jowai Christian Endeavour Society kiwa da chim wow leh yei kaam neibynta i miat i bha yonglang wei khooid i pliah ka chnong ka thaw wei da ong ki leh yooluti i em yong kini ki tin nohjhep u yarap i wow wanrah yei khooid i pliah ka dong ka chnat deiwa ki bru walai wa wan u chim ki wow pynemkaam ya kini ki Dustbin neitæ wan ha ka bynta wakut u Tbn. K.S. Bareh chim u wow booh ki kyntien duwai.

Ki tin nohjhep waroh kiwa da chim u booh da ki dkhot ka Jowai Christian Endeavour Society Balang Presbyterian ha kani ka sngi em ki kamwa 18 tylli ha dong Lion Mission Compound wa 36 tylli won ha dong Chutwakhu.

Advertisement ad1

0 Comments

Leave a Reply