Khliehriat: Ka Meghalaya People’s United Front-East Jaiñtia Hills District (MPUF-EJHD) ryngkat wa ka Khliehriat Circle hapoh i yahkhmat u President ka East Jaiñtia u Michal Chyrmang wa u President ka Khliehriat Circle u Kyrshan Blah da e yarap ki da ki tin sap yung cha kawi ka manyung wa dooh.
Kani ka manyung toh yong ka Linda Pala wa u Albad Lahong na ka chnong Kuliang, East Jaiñtia Hills District.
Chwa wow e yarap, ka seiñ da pynman ko yei takit lada kani ka manyung man ko kawa emkaam sakhiat yei yarap.
Chwa wow ekti ya kini ki tin, da em ka yalang wa tbian hei emlang u President warim ka seiñ, u Dapoiwanmi Laloo ya kawa da pynlai da u President ka MPUF-Laskein Circle u Hamwer Bhoi yeiwa da pynbood sa i klam na ki heh ka seiñ wa ki kyntien khublei na u General Secretary ka Central Governing Body u Aimonbha Syad.
Discussion about this post