Waroh ka dan wa da yoh u lum naka GST neibynta u Duiatra (Jan), 2021 da poi ko T. 1,19,847 klur heiwa na kani, ka CGST toh T. 21,923 klur, ka SGST won T. 29,014 klur, ka IGST won T. 60,288 klur (wa kyntup ya T. 27,424 klur wa da lum naki maar wa wanrah na baar ri), ka Cess T. 8,622 klur (wa kyntup T. 883 klur na ki mar wa wanrah na baar ri). Waroh ki GSTR-3B Returns kiwa da leh neibynta u Kmaichonglad (Dec) hadooh ka 31 tarik u Duiatra (Jan), 2021 da em ki 90 lak tylli.
Ka sorkar da dep ko wow pynbait wow su T. 24,531 klur cha ka CGST wa T. 19,371 klur cha ka SGST naka IGST kam kawa jooh su. Ka nong wa da yoh daka sorkar pyrdi waki sorkar jylla hadien wa da dep u pynbait wei wow su lut ya waroh i jait neibynta u January 2021 toh T. 46,454 klur yaka CGST wa T. 48,385 klur neibynta SGST.
I khai im biang ka dan wa da lum naka GST ha kini ki 5 bnai wa da dep, ha u bnai January 2021 leh da ku ko da 8% bar yaka dan wa da yoh naka GST ha u jooh u bnai ha u snem wa da dep, iwa ku da palat T. 1.1 lak klur. Ha uni u bnai leh, ka dan wa yoh na ki maar wa wanrah na baar ri man ko 16% i boon wei na ka khayi pateiñ pynhapoh ka ri man ko 6% i boon hawa nujor wa u jooh u bnai ynnin u snem.
Iwa yoh naka GST ha u January 2021 toh iwa boon dooh nadooh wa pynkrehkaam yaka GST iwa da jan poi T. 1.2 lak klur iwa da tam ya u bnai wa dep heiwa da lum T. 1.15 lakh klur. I lum dan naka GST da neh ki T. 1 lak klur klur la soo bnai kattu iwa da pynyoo leh yei im biang ka khayi pateiñ hadien ka khlam COVID-19.
Deiwa kheiñ won yeiwa ku na uwi u snem cha uwi i yoh dan naka GST, ha ki 4 bnai wa kut u 2019 wa u 2020, da ku da 8% iwa hiar da -24% ha ki bnai wa sdang u 2020 iwa da pynyoo heini ha wah.
