15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Da kynmoo burom ya kiwa em ya u khniang HIV/AIDS ha Khliehriat

0 Comments
Advertisement ad1

Khliehriat: Ka MCSWA TI CC, Khliehriat chirup i krehlang waka yung krehkaam DM&HO, EJH ,ha kani ka 1 Kmaichonglad 2018 da pynman ko ya ka sngi u kynmoo burom ya kiwa em ya uni u khniang HIV wa i kjut AIDS ya kawa tip leh kam ka World Aids day.

Ya kani ka programme da pynman ha pchem kani ka yung krehkaam wa em ha Khliehriat, East Jaiñtia Hill District heiwa da emlang u Additional Deputy Commissioner ka East Jaiñtia u SS Syiemlieh. Dr. J Nongtdu MO I/C OST Khliehriat, ka R Patlong Field Mentor FHI360, wa ki kattu katni ngut ki paralok wa pynemkaam drug, ki Red Ribbon Club yong ka Jaiñtia Eastern College wa kiwi kiwi wei ya ka yalang ha kani ka sngi da pynlai da ka Saphika Lyngdoh, Counsellor MCSWA TI CC Khliehriat.

U Dr. J Nongtdu hawa e yei klam da kyrsu kyntu joor u ya ki paralok wa pynemkaam drugs wa ymhoi u pynemkaam ki da u jooh u thyrnia neibhah ini wanrah ko i yabi uni u khniang deiwa pynrap wa ha ka kaam chongkha chongman emkaam u syndong bha khnang yow lait na uni u khniang.

Da kyntu u ya ki manbei kiwa pun-khon yow lai phah check-up wei wow li test ki ya i dahi khnang yow tip ki yei man i doh i pran wei ym em uni u khniang.

Ka R. Patlong da ong ko wa ha ki por nachwa kat wympu em uni u dawai Anti Retroviral Therapy (ART) boon ki bru wa dooh yei mynsien na uni u khniang, katni won hadien wa yoh ya u ART katwon yarap ko ya ki neibhah i dih tikna ya uni u dawai ART pynman ko ya ki bru wa em ya u khniang HIV u imslem ki, u chait u khiah ki wei duna ka laad u pynbi ki cha kiwi (low risk to transfer to other).

Da ong ko leh wa ileh emkaam u lai phah test i pyn da i hi neibhah du i test snaam donhi wa ya u pyntikna yei em wei wym em uni u khniang hapoh i doh i pran yong i wei i tip smat wei phah sumaar smat pynman ko yow bru u lait u na kiwa boon ki kjut boonjait wei wow man u leh u wa im slem.

Hei yatoh won wa i chah klam beiñ wei yoo beiñ ki lok wa em HIV da kyrpaad ya waroh u maya u burom ki ya kiwa em HIV kamwa burom ya kiwi tawon ki bru.

U SS Syiemlieh uwa man leh kam u Member Secretary ka DLSA, da batai u wa ka DLSA toh ka seiñ kawa yarap ya kitu ki bru kiwa ymtip u thoh u taar hawa emkaam ki heiwon iwon, ya kitu kiwa ya takhooh wa ka aiñ tangwa ki wymtip cheiwon u lai, ki muktiar yong ka DLSA yarap bha ko yaki.

Da kyntu joor u leh wa kiwon kiwon kiwa chem chitom heiwow yoh ya ki Certificate, ki Scheme wa kiwi kiwi wow sñiawbha ki u wan mih cha yung krehkaam ka DLSA.

Hawa kyruiñ won u cha ki lok wa pynemkaam drug, ki lok wa em ya u khniang HIV, wa ki kynthai dakait da ong u wa boonsien man ki ki bru wa chah yoobeiñ wei ban beiñ haka imlang sahlang kamtæ da kyntu joor u ya ki paaid wa ymhoi u yoobeiñ namo u klambeiñ ya ki tangwa emkaam u ebor e mynsien ya ki khnang yow ye ki u yaleh hei rukom im yong ki wa man ka sngi.

Ka Dr. Handaka Suting hawa e i klam tbian ha kani ka sngi da ong ko wa i phah test yei snaam wei i tip yei man (status) pynman ko ya i wow lait u pynbi cha kiwa hayung hasem kamjooh cha kiwi tawon neibhah lada tip yei man i long em ki laad wow yada wow lai u poor cha kiwi. Da kyrpaad joor ko ya ki paidbah wow sñiawbha ki u phah test yei snaam ha ki ICTC Center kiwa em ha manla ki Hospital wa ki CHC.

Ya ki kyntien khublei ha kani ka sngi da e da u Iaimanki Sympli, ORW MCSWA TI CC, Khliehriat

Ha kani ka sngi da em ka yalehke drama wa tbian hajrong kani ka sngi na kiwa kreh ka MCSWA wa na FHI 360.

Advertisement ad1

0 Comments

Leave a Reply