15 49.0138 8.38624 1 0 4000 1 https://wyrta.com 300 0

Da kynmoo warom ya ka sngi ka NYKS kamjooh ka Childrens’ Day ha Lyntijam Evening School

0 Comments
Advertisement ad1

Jowai: Ka Nehru Yuva Kendra Sangathan, Jowai ryngkat i yakrehlang wa ka Lyntijam Evening School ynnin ka janmiet da pynman ki ya ka program kynmoo warom ya ka NYKS Foundation Day heijooh i por da lehkmen ki ya ka Children’s Day.

Ya kani da pynman ha yung skur yong kani ka skur kawa em ha Dongmihsngi, Jowai.

Advertisement ad1

Ya kani ka program da pynlai da ka Lanalangika Lyngdoh kawa sikai ka ka skur heiwa da yoh yei kyntien pdiang burom na ka Baiahunlang Passah, i klam hajrong kani ka sngi na u O. Shylla uwa man kam u kongsan ha kani ka sngi.

Hei klam yong oo da batai che u ya kani ka sngi kawa kyrpang wei da e u leh u ya ki kyntien sneiñ ya ki khynnah heiwow bood ki ya ka luti kawa bha ha ka rukom im yong ki neibynta wow yoh ki yei tip i stat, i akor salon khnang yow man ka mynried kawa suk wa kmen ya ka yung ka sem kamjooh ka imlang sahlang.

Ka Onika Dhar kawa man kam ka Program coordinator NYKS da batai ko yei rukom krehkaam ka NYKS iwa man chi bynta wow kyntu kynrong ya ki khon khynroo khyllood ha ka luti wow im wabha wow wanrah ya i myntoi ya ka imlang sahlang.

Ka Darshon Thiate kawa man kam ka Volunteer yong ka NYKS da batai ko ya i myntoi iwa yoh ko lyngba ki program waphær waphær, heijæh ipor da khut lang ko ya waroh ki khon khynroo khyllood wow embynta ha ki kaam yong ka NYKS neibynta wow kyntu kynrong ya ka imlang sahlang. Katwa ka Lanba Rumut da e ko yei kyntien khublei ya waroh kiwa da chimbynta ha kani ka program.

Hadien kani ka program sneiñ kyntu da yoh won ya ki yaleh pynka-it kasar na ki khynnah skur kamjooh na kiwa sikai yong kani ka skur wei da yoh leh ya ki chaad ki rwai.

Advertisement ad1

0 Comments

Leave a Reply