15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Da kynmoo warom ya ka sngi kiwa rep khamtam kiwa ri khniang

0 Comments
Advertisement ad1

Jowai: Ka yung krehkaam ka District Sericulture Officer, West Jaiñtia Hills Dsitrict hei yakrehlang wa ka Bellefonte Community College, Shillong wa ka REC Central Silk Board Shillong da pynem warom ki ya ka sngi ki warep wa tip leh kam ka Farmer’s Day ha chnong Saphai ha kani ka 28 tarik u Naiynru.

Ha kani ka leh warom ya kani ka sngi da pynman ka esikai ya kiwa ri khniang ha kani ka thaiñ ha Eri Spinning cum Training Centre, Saphai, West Jaiñtia Hills District.

Ha kani ka sngi da em ka yalang wa pyllai da ka Sister Helen Puweiñ, Bellefonte Community College hei emlang ka Sister Marvella Shangpliang, Headmistress ka skur Auxilium, u Waheh Chnong  ka Saphai u Anthony Bareh, ka District Sericulture Officer ka West Jaiñtia Hills District ka A. Passah, u Assistant Engineer ka BDO, Laskeiñ u P Shullai wa kiwi kiwi.

Ha kani ka jooh ka sngi da saam leh yaki certificate cha ki manbei kiwa da chah hikai ha kani ka thaw.

Neiliang ka District Sericulture Officer, ka Anika Passah da saam ko 16 tylli ki kor wa tip kam ki Motorised Spinning Machine.

Neiliang ka Laskeiñ C&RD Block da chna ko ya ka luti lai kjat cha kani ka thaw esikai wei neini daw pynpsiah pyrtuid ya kiwa ri khniang ha ka scheme 100 sngi kawa tip leh kam ka MGNREGS wow thung dieñ ki kamjooh wow kyntu ya kani ka kaam ri khniang ha kani ka thaiñ.

Ka Anika Passah da pyntip ko wa ka tnat Sericulture wa u BDO Laskeiñ daw yakrehlang ki ya ka scheme Intensive Bivoltive Sericulture Development Project (IBSDP).

 

Advertisement ad1

0 Comments

Leave a Reply