Shillong: Ka State Level World Aids Day da kynmoo warom ya ka ynnin ka sngi ha Don Bosco Technical School Hall, Shillong heiwa u Chief Secretary ka jylla, u Y Tsering da man u kam u kongsan hei emlang u PW Ingty, Additional Chief Secretary, Health & Family Welfare Department and President, Meghalaya AIDS Control Society, Shillong kam u symbood kongsan.
Hawa e yei klam hei emlang ki khynnah wa puræ nurse na ki thaw puræ waphær waphær ka sor Shillong, u Tsering da ong u wa ka pyrthai waroh kawi yaleh ki wow yakhun pyrchah ya i kjut AIDS wei booh thong ki wow pynwiar yeini i kjut chwa u snem 2030.
Da pynrap u leh wa ka phang yong uni u snem toh ‘Live Life Positively-Know Your Status’ man ki ki kyntien wa khian tangwa man ki kiwa kitdor bha. Da ong u leh wa emkaam bha wow tip yei man i long samen heiyatoh wa u khniang HIV khnang wa ka kjut AIDS ym poor ko.
Kam u symbood kongsan, u PW Ingty da ong u wa hanlada ka jylla lyngba ka Meghalaya Aids Control Society (MACS) da pynman ko ya kiwa boon ki program hajrong kani ka phang tangwa kattæ leh kani ka kjut ku ko ha ki kattu katni ki District katwa kamtæ emkaam bha wow kreh ha kitæ ki district. Da ong u wa ye wow pynwiar ya ini i kjut lada waroh chim i ka lyngkor wa i bahkhlieh ha i samen wow yaleh pyrchah ya ka.
Ha kani ka sngi da saam leh ya ki khusnaam cha kiwa jop ha ki yakob wa boonjait wa pynman hajrong kani ka phang.
Discussion about this post