15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Da kynmoo warom yaka Good Friday ha ki yung mane hadien wa leh ha ki yung ha u 2020

Advertisement ad1

Ha u snem 2020 yaka sngi wa kyntang ki para wa ngait Christan kawa tip kam ka Good Friday da leh warom yaka deiwa phær heiwa da pynman yaki yaseiñ ha ki jar jiar ki yung deiwa pait leh yei yalap wa pynman ha ki yungmane lyngba ki TV wa Internet.

Ha uni u snem hanla u lyoh ka khlem dang em hi u, i lehwarom ya kani ka sngi man ko kawa lai bait heiwa da chah yaki yungmane wow wai ki kamwa jooh.

Neiliang u Montri Rangbahdooh ka ri u Narendra Modi leh da phah u yaka khubor Good Friday deiwa ong wa kani ka sngi pynkynmoo ko ya i ya ki eh ki chitom wa u Jisu da hap u wow bah wow kit deiwa e da i mynsien yong oo. Deiwa ong leh wa u Jisu toh uwa chakri ya kiwa dooh wa duk wei uwa pynchait ya kiwa kjut wa chitom.

Neiliang u Montri Rangbah ka jylla u Conrad Sangma leh da phah u yaka khubor Good Friday cha ki paidbah deiwa ong wa ka Good Friday toh kawa pynkynmoo ya i yei maya u Blai iwa ym kut de.

Ka Good Friday toh kawa da kynmoo yaka kam ka sngi wa u Jisu da e u dei mynsien yong oo ha u dieñphna ha loom Calvary.

Puræ leh: Lyngba ki TV waka Internet da kynmoo yaka Good Friday

Share this:
Previous

Lai klam Radio u James hei lehkmen dap 4 snem ka 91.1 Mirchi

Next

Wiar uwi uwa na Khliehtyrshi ha Assam