15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da kynmoo warom yaka sngi wa seiñ yaka Khasi Author’s Society

Advertisement ad1
Advertisement ad1

Ka lyngkhooh dap 41 snem wa seiñ yaka Khasi Authors’ Society da kynmoo warom yaka ynnin ka 11 tarik ha Arts and Culture Hall, State Central Library heiwa yaka yalang hanla man ko kawa khian leh man ko kawa chongkun heiwa da wan u A L Hek, Minister, Arts and Culture kam u kongsan wa u T Chyne, Chief Executive Member, Khasi Hills Autonomous District Council kam u symbood kongsan.

U kongsan hawa e yei klam da pynkynmoo u ya kiwa thoh kot Khasi wow pybait iwi donhi i rukom thoh ya i ktien Khasi yow lait ko u pynkulmar ya kitu kiwa em i thrang wow pynpliah yei puræ puthi ha i ktien Khasi kamjooh ya kitu kiwa da chemphang ha kini ki kaam.

Da e khublei u leh ya ki sahep yong oo wa e thaw ki yow pynman kam ka yung krehkaam ka Khasi Authors’ Society hapoh ka State Central Library Complex.

U symbood kongsan hawa e yei klam da baan joor u yei emkaam wow em ka Khasi Dictionary wei da pynbna u leh yei kyrchaan ka Council hajrong ini iwa da sdang daka Khasi Authors’ Society.

Da man ko kam ka dustur ka Khasi Authors’ Society wow pynlait kot man ka snem heiwa ha uni u snem da pynlait le tylli ki kot kiwa da pynlait paidbah da u kongsan wa u symbood kongsan deilang wa u W Nongsiej, Director ka Arts and Culture.

Kini ki kot toh ka ‘Ki Sur Mieng Ka Ri Umsnam’ da u Andreas Sun, ka kot Quiz ‘Ka Jingkyntip na Kotbah’ da u Hamles Mylliemumlong wa artylli ki kot da u Kitbor W Nongrum kitæ ki ‘Ki Khun Samla, Ki Longkmie Longkpa’ wa ‘Ka Sor Shillong’.

Yaki ktien phang pyrdi da e da u Dr. D R L Nonglait, President, Khasi Authors’ Society, ka puræ Poetry na u Andreas Sun wa i rwai tynre na u Chosterfield Khongwir.

Neidaw wa em ka khlam COVID-19, ya kiwa chimbynta da chah kamwa 50 ngut wa kynthup ya kiwa thoh khubor.

Share this:
Previous

CHNONG WA MAYA

Next

Khlaad noh u ma Dlickson Thoo