Da kyntait ka yung ka sem ya ka Sonam | Ym chah leh u wan sah ko wa ki

Kiwa ha-yung ha-sem ka Sonam Raghuvanshi da kyntait ki ka kam kawa chi doh chi snaam hadien wa da yoh jamin ko.

U payu waheh ko, u Govind Raghuvanshi da ong u wa ki kam ka yung ka sem ym em thung muktiar ki ya ka wei ym tip ki leh wa yaleh jamin ko wei da tip ki yeini du hadien wa mih khubor.

Da ong u leh wym pdiang wow liwan ko cha yung ko ha Indore. Da pynche u leh wa ki kam ka yung da ieh ki ka wow yaleh ko da ka hi.

Ha iwi won i liang, u payu u Raja Raghuvanshi, u Vipin da pynbaad u ya ka yung ka sem ka Sonam wa thok wei chetkylla ko ki hadien wa yoh jamin ko. Wei da tieñ u leh wa lada yoh jamin deilang kiwi daw booh ko hei maa ya ki kam ka yung ka sem.

Related posts

Ar lyngkhot khieñ ka lieñsuiñ ka IAF ha Jorhat

June 13, 2026

Pynchna sarok ka NHAI hadooh wym lait de u lai kari | Dawa sangeh chim poisa ha Lumshnong Toll Plaza

June 13, 2026

Heiyatoh wa ini, u Govind da ong u wa ye ki wow leh yeiwa emkaam deiwa lai cha ka aiñ.

Katkam ki kyndon i e jamin, da khang ya ka Sonam wow lai ko cha palat u pood ka yung bichaar ka Addl. DC (Judicial) Shillong iwa mut wa hap ko wow neh hapoh ka East Khasi Hills wei lada kwah ko wow lai cha jngai daw hap ko wow yoh bor chwa.