Da kyntu ya ki paidbah wym toh u ngait ya ki khubor hamsaya heiyatoh wa ki chi kurim

U SP ka East Khasi Hills, u Vivek Syiem da kyntu u ya ki paidbah wym toh u pynpoor wei wow ngait ya ki khubor hamsaya deiwa ong wa em boon kiwa pyrkhat boon jait yeiwa jia ya ki chi kurim kitæ u Raja wa ka Sonam Raghuvanshi deiwa pynrap wa ka da thung ya ka SIT wow takit bniah ya ki sabut wa kiwi kiwi. 

Heiyatoh wa ka Post-Mortem u Raja, u SP da pyntip u wa da leh ynnin ka sngi wei dang yang ya ka Report.

Da pyntip u leh wa kiwa thooh ya ka Sonam da em ki 50-60 ngut wa kynthup ya ki NDRF, SDRF, Fire and Emergency Services, SIT, SOT wa ki tre chnong.

Da ong u leh wa da pynemkaam ya ka Drone na ka NESAC wei du lyngba ka Drone da chem ya i metyap u Raja. Neiliang won u Montri ka chnat Tourism, u Paul Lyngdoh leh da kyntu u ya ki paidbah wym toh u sya u ong iyi iyi kat wym pu em dep ka takit khamtam hadien wa chem yei metyap u Raja Raghuvanshi hajan ka kchaaid Wei Sawdong wei yei thooh ya ka Sonam leh toh iwa dang pteiñ deiwa ong leh wym jooh em jia kam ini kamtæ ym bha wow bichaar.

Da ong u leh wa ki pulit da chimkhia bha ki yeini wei da booh ki ka hakhmat wow takit wei da pynemkaam waroh ki bru wa lait wei hap wow e laad u lai ki katkam wa toh.

Hawa jubab lada daw chah ktah ki kaam uiñke suwari, u Paul da ong u wym toh wow kheiñ waroh kiwa sih du na iwi iwa jia chisien deiwa ong wa boon ki bru napoh India kamjooh na baar kiwa yaroh yei man chngaaiñ hawa wan ki cha Meghalaya kamjooh i bha ki bru.

Related posts

Phah ka Dr. Ampareen ya ki kyntien sñiawlem cha ka manyung wa jia ha MCH Hospital

June 5, 2025

Ngait u payu ka Sonam wa dang im hi ko deiwa kyntu wym toh wow thooh yei metyap ko

June 5, 2025