Da kyrriah tarik ya ki sngi wa pynman ya ka Dance Jaiñtia Dance Dance Little Champ

Jowai: Ka seiñ All Jaintia Dancers Association (AJDA) lyngba ka kyrwoh wa da phah da u President yong ka u K. Rymbai, ka seiñ ka da rai ko u kyrriah tarik ya ka yakob chaad kawa tip kam ka Dance Jaiñtia Dance Dance Little Champ Season-1.

I daw wa ka seiñ da rai ko wow kyrriah tarik toh neidaw wa boon ki khynnah wa ki manbei manpa chem chitom ki wow phah da ki Video kam chibynta ka Audition wei boon leh kiwa kwah wow pynman da ka Audition iwa mut wow pynyoo markhmat ya ki chaad hakhmat kiwa bichaar namo ki Judges.

Kamtæ neiliang ka seiñ AJDA hadien wa pynman ya ka yalang wa jhan ynne ka sngi da chim ya ka rai wow pynman bait da ka Audition ha ka 13-04-2019 nadooh i por 10 waje i step ha District Library Mynthong Jowai.

Ka seiñ da pyntip ko leh cha ki khynnah wa wan Audition toh u wanrah ki ya ka Birth Certificate (Xerox Copy) yow pyntikna ya ka tarik sngikha yong ki wei ya ki Form won ka seiñ won daw e ko ha ka sngi Audition.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Chooh chooh ka seiñ da pyntip ko wa ya kitu kiwa da dep phah ya ki Video Audition, wa ki leh toh u wanlang ki ha ka tai ka sngi neibynta ka Audition.

Ya ka Semi Final daw pynman haka 20-04-19 ha kani ka jooh ka thaw.

Ya ka yutip wa rap bniah daw e lyngba ki Advertisement kiwa daw pynbna pyn ha kini ki sngi.