15 49.0138 8.38624 1 0 4000 1 https://wyrta.com 300 0

Dawa ka UHM wow yoh mynkna ya ki kot thaw ha ki thaaiñ khappood ka jylla Assam

0 Comments
Advertisement ad1

Shillong: I dawa wow e mynkna wow leh ya ki kot ki sla (Registration) yong ki thaw cha ki bru wa em ha ki thaaiñ khappood da yaklam ynne ha i yachem ka United Hynniewtrep Movement (UHM) chirup wa ki sordar yong ki le tylli ki chnong wa kynthup ya ka Langpih, Khanduli wa Umwali ya u symbood montri rangbah, u Prestone Tynsong ynne ka sngi.

Hadien ini i yachem neiliang u General Secretary ka UHM, u Charlie J. Rani da ong u wa ki heh ka sorkar Assam wan pait wan sylli ki ya ki thaw hawa yaleh kot wei ini waroh man i mynkna, katwa kamtæ neiti i daw wa ka Meghalaya ym leh ko kamjooh yeini (i leh kot mynkna).

Advertisement ad1

Ha ka dorkhat cha u Prestone, ka UHM da pachat yumut ko wow leh ya ki lot ki sla (registration) yong i thaw mynkna neibynta ki bru wa cha thaaiñ khappood.

Chooh chooh ka UHM da dawa ko wow su bai lutsan (Compensation) cha kiwa mynsoo ha i chah sympat lathi ha ki pulit kaAssam ha ka 14 Thohlakhmi 2019 ha Umwali.

U Rani da ong u wa ka jylla da booh ko da ki pulit hadien wa jia i chah dat ki paidbah ha ka 14 tarik deiwa kyntu leh ya ka wow booh pulit chooh ko sa cha kiwi tawon ki thaw ha khappood.

U Sordar ka Umwali, u Mebarlin Syiemiong da ong u wa i man i long ha Umwali daw rap wan biang i chongsuk tangwa da pynsñiaw u yei tieñsar yei boon ki baar jylla.

Neiliang u sordar ka Langpih, u Swingly Samaha da ong u wa ka sorkar da toh u booh ko 2 Battalion ki pulit.

Da pynrap u wa ki paidbah ka Langpih em ki ki kot ki sla ka jylla Meghalaya wei kwah ki wow em ha Meghalaya ym hapoh Assam.

Kam wow pynkynmoo heini ka Langpih wa Khanduli toh kiwa na ki 12 chnong kiwa yakajia hapyrdi ki ar jylla.

0 Comments

Leave a Reply