Jowai : Ka Jowai Ladrymbai Tourist Taxi Association (JLTTA) da pyntip ko wa hadien wada wan yachem ko ya u Police Traffic Incharge u ma D.H. Pde wa hadien kattu katni Por wa ka stand wada e da ka tnat traffic kam wa chipor (Temprory) wei neidaw wa khynñia ka Iawmmusiang wei wym yoh ki stand u pynyieñ hadooh 100 tylli ki kari neiliang ka Association da thooh ko ki laad u pynsuk ya ki paidbah da kyrriah noh ya ka na Iawmusiang cha Iawthymme wa em ha Ladthadlaboh.
Heijooh i por neiliang ka seiñ dang pyrchang ko leh u pynsuk ya kiwa kwah u hiar cha Iawmusiang heiwa daw lai yachem ki wa u DC ha kani ka tayaw wow wan.
Ka seiñ da kyntu joor ko ya ki Traffic Police wa lada em ki local næ ki Tourist Taxi kiwa kit ya ki paidbah na Jowai cha Ladrymbai ka seiñ dawa ko ya ki Traffic Police u pynchitom ki ya ki katkam ka aiñ lada mih ki na ka stand wa em ha Iawmusiang.
Chooh chooh da kyntu ka seiñ ya u President ka Jowai Local Taxi, West Jaiñtia u yakreh lang waka Association heiwow pynbna u cha kiwa kamai kari (Local Taxi) wa ymhoi u chem wa ki kari kit bru ki na ka thaw pynyieñ kari warim na Iawmusiang.
Kani man ko katkam ka khubor na u President ka seiñ u ma W. Dkhar wa u General Secretary u ma M.S. Dhar.
Discussion about this post