Jowai : Kam chibynta wow lehkmen yei dap 70 snem ka ri India nadooh wa laitlooid ko, wei kam chiynta wow pyndep ya ka hukum ka sorkar bei wa emkaam u tipmit ya kiwa yaleh laitlooid na ki thaiñ mihsngi ynne ka sngi ka seiñ BJP da lehwarom ko ya u Woh Kiang Nangbah ha Madiah Kmai Blai, Syntu Ksiar.
Ya ini da leh hadien wa ka BJP Meghalaya Unit da dep ko u lehwarom ya u Pa Togan Sangma ka ri-loom Garo, u Tirot Sing ka ri-loom Khasi ha kini ki sngi wa dadep.
Ynne ka sngi da pynkupburom leh ya ki ksu u Woh Kiang Nangbah ha ka yalang wa tbian kawa da pyllai da u President ka BJP West Jaiñtia Hills u JG Kyndiah.
Ha kani ka sngi da yoh yei klam na u K. Lamsalanki Pariat, State Secy (Org) i/c Khasi Jaintia District, u Basu Chakraborty i/c West Jaiñtia District, ka Sumita Banerjee Vice President, u Egenster Kurkalang, President BJYM (youth), u Edmund Sangma, National Council Member, u Sing Mulieh Dkhot BJP, u Barnabas Nangbah uwa man kam u ksu u Woh Kiang Nangbah, u David Kharsati, State Genl Secy; u Shibun Lyngdoh, State President.
Da yoh ya ki kyntien makhane na u Dameki Paswet.
Ha kani ka sngi ka BJP Meghalaya Unit da kular ko leh wow thooh ya ki laad wow pynyoosuk wei wow pyn chongkun ya kani ka thaw wa em u motdur u Woh Kiang Nangbah.
Discussion about this post