Ka Dorbar Chnong Ialong da pyntip ko cha phi ki paidbah kamjooh ki paralok na jan na jngai wa hadien wa da e yumut ka seiñ JSU wow kyrriah thaw ya ka Summer Jam 2025, da pdiang sñiawbha yei rai deiwa yahunlang yeiwa da tyrwa yong ka seiñ wow kyrriah thaw noh ya kani ka tamasa kawa daw pynman ha ka 23 tarik uni u bnai na Lad Deinwah wa em hajan ka Civil Hospital cha Madan Latein, Ialong kam chibynta ka dak wow ya krehlang chirup i bha i miat ka imlang sahlang.
Kamtæ ka Dorbar Chnong Ialong paan ko na phi ki paidbah yei ya krehlang kamjooh leh khut sñiawbha ko ya phi cha kani ka sngi wa kyrpang kam chibynta wow pynku ya ki kaam Tourism ha ka chnong Ialong deiwa pynyoo paidbah yei miat dur wei chongkun yong ka chnong.
Ha kani ka sngi daw em leh ka pynsñiawthooh paidbah hajrong ka phang Child Abuse and Prevention of Drug Abuse.
Ha kani ka tamasa daw pynyoo rong leh yei kordor ka bei rymaw ha waroh ka chnong Ialong kamjooh daw pynwyrngia leh ya phi ki paidbah da kiwa boon jait deiwa pynku leh ya ki bru Pnar yong i wa em yei sap i tap nadooh i rwai i siaw kawa daw pynryngkat dor wa ki bru sep sngi namo kiwa na baar ri.
Ha katai ka sngi daw em leh kiwa rwai wa bna naam na baar ri kiwa daw pynhun chooh chooh ya phi ki paidbah.
Sa chisien da khutlang ya phi cha kani ka tamasa deiwa ya krehlang yow man ko kawa jop ha waroh ki liang.
Discussion about this post