Ka World Health Organization (WHO) da sñiawkhia ko yei poor u Hantavirus ha ka Cruise Ship MV Hondius tangwa da ong wa ini ymtoh iwa maa namo ka Low Risk.
U Director-General ka WHO, u Tedros Adhanom Ghebreyesus da ong u wa uni u khñiang Andes Virus yong ua Hantavirus ye u wow poor para bru wei em i por chimpor u hadooh 6 tayaaw wow khai im, kamtæ ye wow em kiwi de kiwa ye wow yoh oo.
Uni u khñiang da bi u cha ki bru wa em ha kani ka jhaad kawa lai na Argentina cha Cabo Verde lyngba ka Atlantic Ocean.
Ka WHO da ong ko wa katkam wa man katni da em 8 ngut wa yoh ya uni u khñiang khut heiwa 3 ngut da yap ki wei 5 ngut toh kiwa da tikna wa yoh ya uni u khñiang katwa le ngut toh kiwa da suba.
Ki bru wa chah ktah toh kiwa na Argentina, South Africa, Switzerland, Netherlands wa St Helena.
Ya kani ka jhaad da chah wow lai ko cha ki Canary Island ka Spain wei hapoh kani ka jhaad dadep psiah leh ki bru ka WHO deilang ar ngut ki Doctor kiwa na Netherlands wa uwi u Expert ha kini ki jait kaam hadien wa sangeh ko ha Cabo Verde.
Da pyntip leh wa da bood ya ki kyndon kammon wow leh yow lait u poor uni u khñiang ha kiwa em hapoh kani ka jhaad.
Da khana u leh ki ar ngut kiwa yoh ya uni u khñiang toh kiwa lai cha Argentina, Chile wa Uruguay yow lai pait sim (Bird Watching) wei ha kini ki thaw em ki khne wa rah ya uni u khñiang.
Discussion about this post