Jowai: Hadien wa ka Khasi Student Union Nangbah Unit da kyrpaad ko naka sorkar wow leh yaka Random Testing ha chnong Nangbah, West Jaiñtia Hills District, kam chibynta wow yada nei poor u khñiang khlam COVID-19 deiwa lai yachem ya u Director of Medical & Health Officer, WJH haka 23 tarik u July hei yahkhmat u Morningstar Pasi, President ka Unit deilang wa u Ohibait Dkhar, President Rangbah ka KSU Jaiñtia Hills District, kamtæ ynne ka sngi, ini i dawa yong ki da man kaam i neibhah wada leh yaka Random Testing ha Nangbah PHC.
Heini i leh Random Testing neiliang u Ohibait Dkhar da pyntip u wa da pyndep u Test ynne ka sngi ya 13 ngut donhi kiwa chong chnong. Da khana u wa da pynsangeh chwa yeini i Test heiwa ye u pteiñ biang ha kiwi won ki sngi.
ka seiñ da pynsñiaw ko leh yei e khublei wa kyrpang ya u T. Iongwai, Waheh Chnong ka Nangbah uwa da emlang ha kani ka sngi nadooh wa sdang, da pynsñiaw leh yei sñiawngooh ya u Dr. N. Momin uwa pait ya ka PHC Nangbah deilang ya ki wakreh katai ka PHC kiwa da mih chakhmat wow chim ya i kitkhlieh neibynta wow leh ya katai ka Test.
Da e khublei kyrpang khamtam cha waroh ki para chong kiwa da mih chakhmat wow chimbynta ha kani ka Test.
