Hadien wa ka sorkar da pynbna ko wow pynkrehkaam noh da ki Micro Containment Zone heithaw ki Containment Area/Zone yow pynsuk ya ki paidbah neidaw wa ki Containment Area em ki por wa da heh ware ki, kamtæ ynne ka sngi da pynmih hukum heiyatoh wa ki Micro Containment Zone.
U pynbna ya ki Micro Containment Zone toh lada em palat uwi wa yoh COVID-19 hapoh ka chnong ki dong. Lada ym em i lai i wan lane i yachem wa yatoh wa kiwa yoh, lane wa da sñiaw kiwa em ha i kaam sumaar sukher wa emkaam wow pynman yei khang kset yaka thaw (Containment) yow lait u poor u khñiang.
I thmu toh wow khang yei poor ha i thaw wa em i suba, yow chem smat ya kiwa yoh kamjooh yow lait u poor cha kiwi ki thaw.
Ki District Rapid Response Team/Surveillance Units u leh ki yow booddien ya ki bru ha kini ki thaw, u leh ya ki Test ya kiwa suba, u phah leh Home Quarantine wa kiwi kiwi deiwa ya embynta lang ki ASHA, Anganwadi wa ki Community Management Team.
Ya ki Containment Zone u ye wow pynbna da u Deputy Commissioner/District Magistrate deiwa ya pynbait wa u District Medical & Health Officer, District Surveillance Unit, District Epidemiologists, ki Community COVID Management Team wa kiwi kiwi.
Toh u khang yei psiah i mih cha kini ki thaw khlem da yoh bor nadooh ki bru wa ki kari. Wei ya kiwa psiah wa mih toh thoh thij pa thij.
Ya uwa yoh COVID-19 nyngkong toh u booddien yow tip neiwon yoh u ya u khñiang hapoh 12 kynta nadooh wa yoh yaka Test Report u.
Ya ki High Risk wa Low Risk Contact toh u Test ya ki daka RT-PCR lane daka Rapid Anitgen Test hapoh 12 kynta nadooh wa yoh yaka Report uwa yoh COVID-19.
Ki wareh ka chnat i chait i khiah deiwa yarap ki CCMT toh u lai ki na iwi i yung cha iwi yow chem ya kiwa em yei iñ doh, kiwa em yei kaoh hapoh 48 kynta wa yoh yaka Report uwa yoh COVID-19.
Ya kitu wa yoh yaki SARI (Severe Acute Respiratory Infections) wa kiwa yoh ILI (Influenza like Illnesses) ha ki 14 sngi chwa kiwa em hapoh kini ki Containment Zone hap booddien ya ki hapoh 72 kynta nadooh wa yoh yaka Report uwa yoh COVID-19.
Waroh ki jati kaam hapoh kani ka Micro Containment Zone toh u man ki kiwa khang kamjooh ym chah wow pynman ya ki yalang paidbah.
Manda pyndam ya ka Containment Zone toh u man wa da tikan wa ym em poor uni u khñiang wei kamjooh kini ki thaw ym em de ki hei maa wei ym em wa yoh COVID-19 ha ki 5 sngi.