Kam chibynta wow lehkmen ya ka sngi wa sdang ya ka Election Commission of India ha u 2011, ka 12th National Voters’ Day da lehwarom ya ka ynne hajrong ka phang “Making Elections Inclusive, Accessible and Participative”.
Ya kani ka lehwarom da pynman da ka yung krehkaam u Chief Electoral Officer, Meghalaya ha State Central Library, Shillong heiwa ka Chief Secretary ka jylla, ka RV Suchiang da man ko kam ka kongsan.
Ka Suchiang hawa e i klam da ong ko wa ynne ka sngi toh wow pynkynmoo ya waroh kiwa chong chnong ka ri yei hok yong ki wow thap Vote heiwa kiwa da em 18 snem da ye ki wow chimbynta ha ka Election.
Chooh chooh da kyrmen ko wa kamwa yah i stat ka juk wa katni daw ye u wanrah ya ki khynroo wa kiwa thap Vote ha sor wow chimbynta boon ngut ki khnang wow lait u chah ieh mylliñ chadien. Da pyntip ko wa hapyrdi wa em ka khlam ha jylla da ye wow pynman ya ka By-Election u snem wa dadep. Da kyntu ko ya ka chnat Election wow kreh chirup khnang wow pyntikna wa bood ya ki kyndon yada COVID-19.
Ha kani ka sngi da saam ya ki EPIC cha kiwa dang man kam kiwa thap Vote wa thymme, wei da pynkupburom leh ya ki State BLO Icon wa District BLO Icon wei da pynman leh ya ka Photo Exhibition Democrarcy@50 wei da saam leh ya ki khusnaam cha kiwa jop ha ki yakob waphær waphær.
Chwa ini ka Deputy Commissioner, East Khasi Hills District, ka Isawanda Laloo da kaweh lama ko ya ka Walkathon “Walk for Democracy” na Madan Iewrynghep wei da pynkut ha State Central Library.
