Da lehkmen ya ka National Voters’ Day wei da pynbna ya u 1950 kam u number phone neibynta ka Election

Jowai: Deilang waka ri waroh kawi, ha Jowai leh da lehkmen ya ka 9^th National Voters’ Day heiwa da saam u Deputy Commissioner u Garod LSN Dykes, IAS ya ki EPIC cha kiwa dang yoh Vote thymme kiwa da khut kyrpang 25 ngut ynne ka sngi heiwa na kini ki 7 ngut toh kiwa em i duna hei doh i pran ha ka yalang wa pynman ha Conference Room ka yungkrehkaam u DC.

Ya ka yalang da pynlai da ka B. Blah, MCS, Extra Assistant Commissioner, u Deputy Commissioner da wai paidbah u leh ya ka District Contact Centre ynne ka sngi.

U Garod LSN Dykes, Deputy Commissioner heipor wa wai paidbah u ya kani ka Contact Centre da pyntip u wa waroh kiwa chong chnong ka District ye ki u phone ha u Toll Free Number 1950 lada kwah ki u kylli iyi chaphang ka Election.

U Deputy Commissioner da yah khmat u leh wow puræ ya ka smai yow kular wow pynkhlan ya ka synchaar paidbah kawa khooid wei wow thap Vote khlem em iyi iyi i tieñ.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka RS Manners, Additional Deputy Commissioner, (Election) da kyntu ko ya kiwa thap Vote khamtam kiwa dang khynroo wow thap Vote ki deiwa khooid khlem chah pynbiej ha kiwon kiwon.

Ha ki sngi chwa ka National Voters Day, ka yungkrehkaam u Deputy Commissioner, Election Branch da pynman ko ya ki yalang pynsñiawthooh paidbah wa boon jait ha ki skur wa College ha ki 19 tylli ki skur ha ki soo tylli ki Constituency wa em hapoh ka District.

Da pynman leh ya ka e sikai yei rukom krehkaam ki kor VVPAT wa ki kor EVM ha ki 62 tylli yung krehkaam ka sorkar wa ha ki le tylli ki College.

Ha Thadlaskein C&RD Block wa Laskein C&RD Block ka yung krehkaam u DC waka chnat Social Welfare da pynman ki ya ka e sikai ya kiwa em i duna hei doh hei pran (Persons with Disabilities) heiwa da pynman da ka e sikai wa chi sngi kawa tip kam ka One Day Sign Language cum Mock Poll yow pyntikna wym em kiwon kiwon wa chah mylliñ namo kiwa dooh yei hok yong ki wow thap Vote.

Ka yungkrehkaam u Deputy Commissioner deilang waka District Sport Officer da dep pynman ki ya ka lympung yaleh bol wei ynne ka sngi da pynman ya ka Run for Democracy kawa da wan chimbynta da 131 ngut chynrang wa kynthai kawa sdang na Thadlaskein kawa kaweh lama da u Deputy Commissioner Garod LSN Dykes hei emlang u Superintendent of Police u Lakador Syiem, IPS.