Shillong: Ka yalang kawa da man ynne ka sngi wa da khut da u CEM ka KHADC u HS Shylla ya ki MDC, ym em ye ko wow chim kawon kawon ka rai hajrong i pynyinsur namo wow pynman bait ya ka Election MDC.
U Shylla da pyntip u wa kiwa boon ki MDC ym em wan ki cha kani ka yalang neidaw wa boonkaam ki deiwa pyntip leh wa em kiwa kwah wow pynman bait ya ka katwa em won kiwa kwah wow pynyiunsur ya ka hadooh wa pynkrehkaam ya ka Amendment yong ka 6th Scheduled kawa da dep rai da ka dhab ki montri ka sorkar pyrdi.
Chooh chooh u Shylla da ong u wa ka sorkar da kwah bait ko wa kani ka Election u man ko kawa lai bait wei chong ha ka rai yong ka.
Kam wow pynkynmoo heini, ka sorkar pyrdi dang ini wa dep da rai ko wow pynkylla ya ka 6th Schedule wow pynkhlan ya ki Autonomous District Council wei wow pynkylla pyrtuid ya ki kam ki Territorial Council iwa mut cha ka Jaiñtia Hills Autonomous Territorial Council (JHATC) heithaw ka Jaiñtia Hills Autonomous District Council (KHADC), kamtæ ter ter.
U Shylla da pynrap u leh wa toh wow pynyinsur ya ka samoi ki MDC hapoh chi snem khnang wa daw wan i jied thymme katkam ki kyndon ka 6th Schedule kawa da pynkylla ha kawa daw em leh ka aiñ wow kdoh ya ki MDC wow lait ki wow yut seiñ.
Da ong chooh chooh u wa lada yaleh Election da kawa thymme, daw pynman ha ki Constituency wa thymme ya kiwa daw phiah katkam i boon bru neibhah katkam wa man katni em kiwa boon em won kiwa duna bru.
Discussion about this post