Amlarem: Ka National Voters’ Day (NVD) da lehkmen ya ka ynne ka sngi ha Amlarem Sub-Division da ka yalang wa khian wa pynman da ka Sub-Divisional Officer (Election), Amlarem Sub-Division. Kani ka lehkmen kawa man ka snem wa 10, da pynman hajrong ka thong wow pynsñiawthooh wei wow thooh ya kiwa da yoh hok wow thap Vote kiwa da em 18 snem haka chi tarik uni snem. Ka NVD 2020 man ko leh ka sngi kha wa 70 ka Election Commission of India.
Ka Sub-Divisional Officer (Election), J. Kharpuri, da pynsñiawthooh ko yei emkaam kani ka sngi deiwa ong i chimbynta ha ka Election wei wow man kiwa stat wa tip toh iwa emkaam bha yow yoh yaka synchaar kawa khlan. Ka SDO da yahkhmat ko leh yaka smai NVD Pledge ha kani ka yalang
Ha uni u snem da chimbynta leh ki 69 ngut ki Booth Level Officers ka Sub-Division, kiwa yahkhmat chnong, kiwa mihkhmat ki seiñ saiñ pyrthai, ki khynnah skur, ki sahep sorkar na ki chnat waphær waphær wa kiwa thap Vote wa em i duna hei doh i pran.
Da yoh leh ya i pynsñiawthooh hajrong ki Electoral Literacy Clubs kawa e da u S.T. Blah, Master Trainer ELC.
Da pynman leh yaka yakob thoh Essay hajrong ka phang ka NVD kawa ong ‘Electoral Literacy for Stronger Democracy’ neibynta ki khynnah ka skur ha chwa ka yalang.
Discussion about this post