15 49.0138 8.38624 1 0 4000 1 https://wyrta.com 300 0

Pyrchah ka HYC ya ka Public Hearing ka Star Cement

0 Comments
Advertisement ad1

Jowai: Ka Hynñiewtrep Youth Council (HYC) Narpuh Circle da pynsñiaw ko yei pyrchah joor ya ka pynsñiaw paidbah (Public Hearing) yong ka Star Cement ka wow man ha ka 30 tarik uni u bnai ha Brichyrnot East Jaiñtia Hills District, ka seiñ ha ka khubor wa phah da u President u H. Lamin da pyntip u wa ka seiñ ka yieñ skem ko ha ka yurim wow pyrchah ya katai ka thmu neibynta wow e yei yada ya ka khyndaw ka chyiap, ya ka riti ka dustur wei wow pynneh pynsah ya ki thaw ki bhaw.

U tai u President ka seiñ da kynthah joor u ya waroh ki Cement Plant kiwa em hapoh ka thaaiñ Lumshnong wym burom chooh yaka yakut (Agreement) yong ki Elaka wa ki Dorbar Chnong khamtam hawa yatoh wow thung kaam thung jaam ya ki tre jylla wa ki tre thaw. Chooh chooh da pynbaad u leh wa hapoh kitai ki karkhana da kreh da ki bru kiwa na baar khamtam ha ki kaam wa heh wa haaiñ, katwa ya ki bru tre jylla da pynkreh ha ki kaam wa khian wa nai.

Neiliang ka seiñ HYC da pyrchah ko leh ya i rukom pynkreh wow tih ya u moochuni, neibhah kamwa man kattæ, kitai ki karkhana da leh ki cha palat deiwa pynjæd dusmon ya ki khloo khlem da lai næ bood katkam ki kyndon aiñ. Ha i jooh i por ka seiñ kyntu joor ko ya ka Meghalaya State Pollution Control Board wow pynsangeh syndon ya katai ka Public Hearing ha Brichyrnot neibhah i em kini ki karkhana ym em myntoi iyi iyi hawa yatoh wa ki paradoh parasnam yong ka Ri Khasi Jaiñtia, neibhah kitai ki kharkana katni da pynmih pathan ki da ka la-ær wa ka um kawa jakhlia ya ki paidbah chong chnong ka thaaiñ.

Advertisement ad1

0 Comments

Leave a Reply