Ka Ramakrishna Mission Vivekananda Cultural Centre, ynnin ka sngi da lehkmen ko yei lyngkhooh snem dap 120 i wan u Swami Vivekananda ha Shillong kawa tip kam ka Foundation Day kani ka chlem e sikai kawa e sikai (Computer, Art & Language).
Neidaw wa ku ka khlam COVID-19 hapoh ka jylla, ya kani ka lehkmen kawa jooh chimbynta da ki spah ngut ki khynroo khyllood, ha kani ka kynti da chimbynta kiwa boon ha ka yalang lyngba ka Internet heiwa da yoh ya ki klam, ki chaad ki rwai wa kiwi kiwi.
U kongsan ha kani ka sngi u kongsan toh u Chief Justice ka Meghalaya, u Biswanath Somadder, uwa da wai pyrda ya ka lehkmen wei da pynlait u leh ya ka thup wa le ka kot Ka Jingshai–The Light, kawa da thoh ha ki le tylli ki ktien. U kongsan hei klam da ong u, “Kani ka kot toh i kyrpaad cha ki para bru wow im ki dei suk dei saaiñ. To u yarap i uwi ya uwi wei wow pynkylla pynmiat i yow man i kam ki bru kiwa bha.”
Ha kani ka sngi da e yaka khusnaam cha ka Darifia Nora Lyngdoh da ka Vivekananda Award of Excellence yei kreh chitom neibynta ki kaam ka Mission.
U Swami Achyuteshananda, Secretary, Ramakrishna Mission, Narottamnagar da man u kam u symbood kongsan. Da embynta bha u wow pynku ya kani ka chlem e sikai yow poi ko cha i kyrdan wa man ko katni. Da klam u na Narottamnagar, heiwa da e khublei u ya waroh kiwa chimbynta deiwa e yaroh kyrpang ya ki Monk wa ki wakreh kiwa da kreh chitom neibynta kani ka thaw.
U Swami Hitakamananda, Secretary ka Ramakrishna Mission Shillong da kynmoo tympang u yei em ka Ramakrishna Mission ha Northeast India la 97 snem deiwa chakri ya ki khynnah wa puræ puthi wa kiwi kiwa yoh myntoi wei waroh ini da leh yow pynmih pyrthai ya ka thaaiñ.
Ha kani ka sngi da yoh leh i sur na Ka Tbian Ki Sur Hara– Seng Khasi Kmie Music School, Sanskriti wa i chaad na ka Pinky Ghosh.
U Sumar Sing Sawian, u Raphael Warjri, ka Dr. Moushumi Dey wa ka Dr. Anita Panda toh kiwa da chah pynkup burom ha kani ka sngi yei yarap ki neibynta ka kot (Magazine).
