15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Khih khmi san sien ynne i step wa sdang najan Tezpur

Advertisement ad1
Advertisement ad1
Advertisement ad1

U khmi wa khlanbor 6.4 ha ka Richter Scale wa sdang na i thaw wa jngai kamwa 43 Km na Tezpur, Assam da khih u ynne heipor 07:51 i step katkam wa pyntip ka National Center for Seismology.

Uni u khmi toh uwa yillu du 17 Km chapoh khyndaw wei da sñiaw ya oo ha waroh kawi ka thaañ Northeast hadooh Bangladesh, Bhutan, Nepal, Myanmar, Tiber wa China.

Advertisement ad1
Advertisement ad1

Ya uni u khmi da pynbood sa uwi u khmi wa khlan bor 4.7 ha ka Richter Scale uwa yillu 15 Km chapoh khyndaw uwa sdang na i thaw wa jngai 38 Km na Tezpur heipor 08:03 ynne i step uwa da sñiaw cha ki thaaiñ Assam wa Arunachal Pradesh.

Hadien ini da khih biang sa uwi u khmi wa khlanbor 4.0 haka Richter Scale uwa sdang na i thaw wa jngai 38 na Tezpur uwa yillu 20 Km heipor 8:13 i step wei ya uni u khmi da sñiaw ha ki kattu katni ki thaw ha Assam wa Arunachal Pradesh.

Du hadien kattu katni por da khih biang sa uwi u khmi uwa khlanbor 3.6 ha ka Richter Scale uwa sdang na i thaw wa em 36 Km na Tezpur heipor 8:25 waje i step uwa yillu 26 Km chapoh khyndaw wei ya uni u khmi da sñiaw du hapoh Assam.

Heipor 08:44 ynne hi i step da khih biang sa uwi u khmi wa khlanbor 3.6 ha ka Richter Scale uwa sdang na i thaw wa jngai 33 Km na Tezpur uwa yillu 25 Km chapoh khyndaw.

Uni u khmi da ktah u ya ki yung ki sem, ki dukan ki bru kiwa em hajan ki thaw wa sdang u.

Share this:
Previous

Khlaad u ma Wanbor Tariang

Next

Da lehkmen yei dap 120 snem i wan u Swami Vivekananda ha Shillong