theme-sticky-logo-alt
theme-logo-alt
Advertisement ad1
Advertisement ad1

Da lehwarom ya ka 65th All India Co-Operative Week 2018 ha Sohra Civil Sub Division

Advertisement ad1

 Shillong: Ka lehwarom ya ka 65th All India Cooperative Week 2018 hajrong ka phang “Inclusive Growth and Good Governance through Cooperatives for Rural Prosperity” da sdang ya ka hapoh Sohra Civil Sub-Division ha Community Hall, Mawsmai ynne ka sngi.

Ya kani ka lehwarom da pynman da ka Office of the Registrar of Cooperative Societies, Meghalaya, Shillong chirup wa ka Meghalaya Cooperative Apex Bank Ltd wa ka State Level Cooperative Federations. Ha ka sngi sdang da pynman hajrong ka matphang “Cooperative Marketing, Processing and Storage”.

Advertisement ad1
Advertisement ad1

Ya ka yalang da pynlai da ka M. Buhphang, Assistant Registrar of Cooperative Societies, East Khasi Hills District, Shillong hei emlang ki dkhot yong ki Cooperative Society wa kreh hapoh ka thaaiñ.

U B. S. Majaw, Deputy Registrar of Cooperative Societies in Charge Planning Branch, Shillong da man u kam u bru chemphang heiwa da pynsñiaw u ya ki thong krehkaam kani ka chnat neibynta ki paidbah khamtam wow yoh ya ki ram na ki bank, wow yoh khih, wa kiwi kiwi.

U P. Mawkhiew, President, Meghalaya State Cooperative Union Ltd., Shillong, da pynsñiaw u yei mynsien wa kmen wa da pynman ya kani ka yalang, heiwa da pyntip u wa ha East Khasi Hills District wa Sohra em hadooh 300 tylli ki Cooperative Society wa da chna da ki paidbah tangwa em ki kiwa suki i krehkaam wei em won ki wym em u kreh deiwa kyntu ya kiwa em wow man ki kiwa kitkhia wa kiwa minot hei kaam yong ki.

U T. Kharshiing, Joint Registrar of Cooperative Societies, Meghalaya, Shillong da ekti u ya ka Veteran Co-operator Award neibynta u snem 2017-18 cha u Tharon Khongstid, Adviser ka Pynursla Sub Area Marketing Cooperative Society Ltd. wa ka 4th State Level Cooperative Excellence Award cha ka Departmental Cooperative Consumer Store, R. R. Colony, Shillong.

Da yoh leh yei klam na u M.C. Suchiang, Sub Registrar of Cooperative Societies, Sohra, ka F.F. Syiem, Sub Registrar of Cooperative Societies, East Khasi Hills District, u Dr. Chandra Pal Singh Yadav, President yong ka National Cooperative Union of India wa kiwi kiwi.

Share this:
Previous

Khut pyndap u DC ka EJH ya ki bru wow man kam kiwa saam PDS hapoh district

Next

Ka General Meeting ka MSSASA-WJHD