theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Da lehwarom ya ka 68th All India Cooperative Week ha Jowai

Advertisement ad1

Ynne ka sngi ka yung krehkaam u Assistant Registrar of Cooperative Societies, West Jaiñtia Hills Jowai, chirup wa ka Meghalaya Cooperative Apex Bank (MCAB) Jowai da lehwarom ki ya ka 68th All India Cooperative Week 2021, hajrong ka phang “Prosperity Through Coorporation”.

Ya ka yalang ynne da pynlai da u J.M. Paswet, JCO wa pynman ha Community Hall ka Lion Mission Compound, heiwa da puræ ya ka wyrta na u Montri Rangbahdooh ka ri India, u Union Minister of Home & Cooperation, u Speaker Lok Sabha wa na u President ka NCUI.

Neiliang ka D.D. Syngai EAC, West Jaiñtia Hills kam ka kongsan ha kani ka sngi da ong ko wa kani ka 68th Cooperative Week da lehwarom ya ka ha kylleiñ ka ri wow pynsñiawthooh paidbah hajrong ka Cooperative, kawa da wanrah yei kylla ya kiwa boon, neibhah da em boon ki Cooperative wa da ku chaphrang hapoh ka ri deiwa e nongmuna ya ka Amul.

Da kyntu ko leh wa ymtoh wow mylliñ ya ki Cooperative wa em ha ka jylla hanla man ki kiwa khian leh tangwa da chimbynta ki hei wow pynku ya i yoh i laa ha ka imlang sahlang wa ka ri waroh kawi.

Da e khublei ko leh ya ki Cooperative Societies wa lyngba i chynna jngai, i chlur wa i kreh chitom yong ki wow sdang ya ki Society da yoh myntoi bha ka jylla wa ka ri, khlem pyrkhat wow thooh kreh sorkar tangwa da pyrkhat ki kammon wow yieñ hajrong ki kjat.

Chooh chooh da ong ko wa i em ki Society da e mynsien i ya kiwi wow seiñ ya ki Cooperative Society waphær waphær.

Kiwi kiwa da klam kynthup ki ya ka Branch Manager ka MCAB, ka O. Lato kawa da klam hajrong i lai luti ki Bank kamjooh ki jait Scheme wa ye u yoh wa ki laad yarap wa e ya ki paidbah.

U K. Passah, JCO da klam u hajrong ka phang “Ease of doing Business for Cooperatives”, da yoh leh yei klam naka E. Blah SCO, SRCS Amlarem, ka M.K. Syngkon Asst. Manager DPMU wa kiwi kiwi.

Share this:
Previous

Man dkhot ka RAM hapoh ka Global Network of Sex Work Projects

Next

Hiar u Conrad wa u Himanta cha Langpih, da e por ya ki Committee hadooh 30 tarik