Jowai: Ka Red Ribbon Club yong ka Thomas Jones Synod College ha ka 27 tarik uni u bnai da lehkmen ko ya ka sngi ki khynroo khyllood wa tip kam ka “International Youth Day” hajrong ka phang “Safe Spaces for Youth”.
Ya kani ka sngi da lehkmen ha Hall ka Thomas Jones Synod College hei emlang u Principal kani ka thaw puræ u Dr. R.R. Kharkongor uwa man leh kam u kongsan hei emlang kiwa sikai wa ki khynnah kani ka thaw puræ.
Hawa e i klam u Dr. R.R. Kharkongor da ban joor u hajrong i emkaam wow ethaw ya ki khynroo wow yachem ki wow pynap yei sñiaw yong ki, wei wow sai u pynyoo ki yei sap yong ki khlem em iwon iwon i tieñ i sorsa.
Da yoh leh i klam kyrpang na u W.E.H. Lamin uwa man leh kam u Programme Officer ka NSS Unit, uwa da kyntu ya ki khynnah wow kiar ki na ki kaam wa sih khamtam nei dih ya ki mar pynmuaaid, wa kiwi kiwi kiwa ktah ya ka imlang sahlang.
Da pynchlur u leh ya ki wym hoi u man ki kiwa tieñ hawa leh ki ya ki kaam wa bha khamtam kiwa yatoh wa ki wow yarap ya iwi tawon wa emkaam yarap.
Kam chibynta wow pynchlur wei wow wailaad ya ki khynroo khyllood wow pynyoo ki yei sap yong ki, da pynman leh ya ka yakob Skit wa Extempore Speech wei da saam khusnaam leh ya kiwa jop ha kini ki yakob weiwa ya kani ka yakob da pynlai da ka A.M.L. Mawlong kawa man leh kam ka Programme Officer Red Ribbon Club.
Discussion about this post