Jowai: U montri rangbah ka jylla, u Conrad K. Sangma ynne ka sngi da embynta u ha ka lehkmen 99th SOS Day ha SOS Children’s Village, Umiam, Ri Bhoi District.
Hawa e i klam ha kani ka sngi da ong u wa ymtoh u randien i na kawon kawon ka kaam wa dawa wow minot deiwa kyntu ya ki khynnah wow man ki kiwa kreh wow poi ha ka thong yong ki.
“Emkaam wow man ki khynnah wa kiwa soohrkhai bait”, da ong u Conrad.
Da yaroh wei da e mynsien u ya kiwa pait wa pynlai ya kani ka thaw wow kreh ki khlem chongngiah wow wanrah yei kaam pynroi wei wow yarap ya ki khynnah liang wanang yow yoh ki ya ka mynried wa tyrchaaiñ.
Chooh da kyntu u ya kiwa kreh ha kani ka thaw wow wai ki ya ka dukan wow dai ya ki tiar wa miat kiwa da chna wei da thaaiñ ha kani ka thaw.
Heijooh i por da ong u wa ka sorkar kreh ko neibynbta waroh kiwa chong chnong ka jylla neibynta i bha i miat yong ki deiwa kyntu leh ya ki khynnah wow yaleh ki wow pynneh pynsah ya ka Bei Rymaw.
Discussion about this post